Hoe sy den kinderen een eersten naem geuen.
Dat xviij. Capittel.
VAnden wilden, een die welcke niet vanghen halp sijn huysfrou hadt eenen ionghen soon ghebaert, sommighe daghen daer na nam hy syn naeste gebueren vanden hutten bevragende hem met haer wat hy den kinde wouden voor eenen naem gheuen die dapper ende vreeselijck waer, sy hielden veel namen voor die hem niet en behaechden hi noemde hem vanden vier voorvaders eenen naem, seyden die kinderen de sodanigen namen hadden dyden wel ende waren spoedich slauen te vanghen, hy noemde die vier Voor-vaders die eerste hiet Krimen, die ander Hermittan die derde Koeni, des vierden naem en heb ic niedt onthouden. Ick dachte als hi van Koein seyde het moest Cham sijn maer Koeni heet op haer spraeck den merghen, so seyde ic hem dat hy hem den seluen naem gauen, want die selue moest sekerlijck sijnder voorvaderen een geweest sijnder namen een behielt dat kint, so geuen sy haer namen sonder doopsel oft besnijdinghe.
Auteursrechtvrij