Hoe die schip vaert beghint wt Portugal nae Rio de Ienera, ghelegen in America, ontrent inden .xxiiij. graet. Tropici Capricorni.
Dat I. Capittel.
LIsebona is een stadt in Portugael ghelegen inden .39. graet op de noord sijde der linien equinoctiael, alsmen van Lisseboen wil af varen op die prouincie van Rio de Ienera, gheleghen int lantschap van Brasilien datmen oock America noemt, so vaertmen eerstmael op eylanden die heeten Cannarie ende behooren den coninck van Spaengien toe ende het sijn die sesse die hier genaempt worden Deerste gran canaria. Het tweede Lanserutta, Het derde Fote. Ventura. Het vierde Il Ferro.
Het vijfde Ia Psalma. Het seste Tinereffe. Van daer vaertmen na eylanden die heeten Las Insulas de cape virde, dat is soo veel gheseyt als Die eylanden des groenen houts welc groen hout int swert mooren lant leyt dwelck oock wel Gene genaemt wort Die voorgemelde eylanden ligghen onder den Tropico Cancri ende behoren den Coninck van Portugal toe. Van dien eylanden seilt men suytwest na dat lantschap van Brasilien toe ende is een groote wijde zee, men seylt drye maenden oft langher eer datmen in dat lantschap coemt Eerst seyltmen opten tropicum Cancri dat hy achter blijft. Daer nae door die linien equinoctiael asmen die noordwaerts achter seylt so en siet men die noordtsterre niet meer, welcke men oock noempt Polum articum. Daer nae coemptmen inder hoochde des Tropici Capricorni, ende men
Auteursrechtvrij
