Mijn ghebet tot God den Heere ter wijlen dat ic inder wilden lieden gewelt was om my te eten, Etc.
Ghebet.
O Ghy almachticheyt, ghy die daer den hemel ende aerde ghefundeert hebt, Ghy God onser Voor-vaders Abraham Isaac ende Iacob Ghy die dat volc van Israel so gheweeldichlijcken wt haren vyanden handen gheuoert hebt door die roode zee Ghy die Danielen onder den leeuwen bewaert hebt, v bidde ick ghy eewige God gewelt hebber dat ghy mi wilt verlossen wt der hant van desen Tyrannen die v niet en kennen. Om Iesus Christus ws lieuen soons wille, die welcke die gheuangenen, verlost wter eewigher gheuanghenisse, niet te min Heere ist uwen wille dat ic sulcken Tyrannischen doot lijden sal, van desen volck die v niet en kennen ende seggen als ic haer van v segge, Ghi en hebt geen macht mi wt haren handen te nemen so sterc mi inder lester vren als si haren wil aen mi willen volbrengen, dat ic dan niet en twijffele aen uwe barmherticheyt, ende moet ic dan so veel lijden in deser ellende, so geeft my toch hier namaels ruste, ende behoet my voor een toecomende ellende daer voor alle onse voorvaders geureest hebben, euen wel Heere ghy condt mi wel wt haer gewelt helpen, Helpt mi. Ic weet Ghy cont my wel helpen. Ende als ghy mi gheholpen hebt soo en wil ick dat den ghelucke niet toe schriuen maer alleen uwe geweldige hant ende dat die my wt haerlieder gewelt geholpen heeft, ende uwe weldaet wil ic prijsen ende int licht brengen onder alle menschen waer ic comen mach. Amen.
Eynde des eersten boecx.
Auteursrechtvrij