Uvaerachtige Historie ende beschrijuinge eens Landts in America gheleghen, wiens inwoonders Wilt, Naect, seer godtloos, ende wreede Menscheneeters zijn

✠ Hoe dat my de wilde van dien dorpe vertelden hoe dat dat voorghemelde schip wt Franckrijck weder wech gheseylt was.
Dat .L. Capittel.

DIe wilde van dien dorpe seyden my, hoe dat dat voorgenoemde schip Maria bellete ghenaempt van Diepen daer ic geerne in geweest hadde, al daer volle ladinge gecregen hadde, namelijc Brasiliehout, peper, cattoen vederwerc, meercatten papegayen ende diergelijcke ware als daer valt, ende sy hadden daer inder hauenen Rio de Ieuero een Portugaloisers schip ghenomen, ende hadden een vanden Portugaloisers eenen wilden coninck Itawu genaemt ghegheuen, ende die hadde hem geten. Ooc was die Francoys in dat schip die den wilden beualen hadde doen ick gheuanghen wert dat sy my eten souden ende die woude wederom na huys varen, ende dat was dat schip als voor verhaelt is, als

[fol. H2r]

ick den wilden ontliep, ende by haeren boot vont ende sy my niet in nemen en wouden. Ende dat selue was om comen oft bleuen opte werderom reyse, want niemant vernomen hadde waer dat bleue doen ick metten anderen schepe in Francrijck quam also namaels verhaelt wort.