Uvaerachtige Historie ende beschrijuinge eens Landts in America gheleghen, wiens inwoonders Wilt, Naect, seer godtloos, ende wreede Menscheneeters zijn

✠ Hoe dat Franchoys schip noch daer was daer si my brenghen wouden al so sy geloeft hadden als sy wederom wt den crych quamen etc als voorgemelt is.
Dat .XLIIII. Capittel.

ALs wy nv weder vanden crijch thuys comen waren, begheerde ick van haer dat sy my wouden nae dat Francoysche schip voeren want ick was met haer ten crijch gheweest, ende hadde hare vyanden helpen vanghen vanden welcken sy nv wel ghehoort hadden dat ick geen Portugaloiser was, Sy seyden Ia sy wouden my daer vervoeren, maer sy wouden eersten rusten, ende eten den Mokaen, dat is, dat ghebraden vleesch van beyde den Christenen.