My werdt banghe, ick meynde sy waren weder comen, want dat is der wilden ghewoonte, als een niet meer dan vier daghen wt en is als hi dan wedercoempt so bescreyen hem sijne vrienden niet lange na dat screyen quam een tot mi ende seide, Uwen mede heren broeder is comen, ende seyde dat die andere seer cranck sijn worden. Doen verblijde ic mi ende dachte sal hier God wat wt rechten willen. Daer nae ouer eenen cleynen tijt quam mijns mede heeren broederen inder hutten daer ic in was ende setten hem by mi ende begost te schreyen oft weenen, ende seyde, sijn broeder, sijn moeder ende sijns broeders kinderen waren alle met malcanderen cranck ende sieck geworden, ende sijn broeder hadde hem tot mi gheschickt, ende dat hy my segghen soude, Ick soude met mijnen God maken dat si mochten wederom ghesont worden ende seiden mijn broeder laet hem duncken dat uwen god moet gram sijn, Ick seyde hem ia mijn God is toornich dat ghy my wilt eten ende te Mambukabe getrocken was om die feeste toe te rusten ende seide hem. Ghy segt dat ick een Portugaloiser ben, ende en bens niet, niet te min, Gaet henen tot uwen broeder ende segt hem dat hy wederom come in sijn hutte so wil ick dan met mijnen God spreken ende hy sal wederom ghesont worden.
Doen seyde hy my, hi waer te cranc, ende en cost niet ghecomen. Hy wist wel ende hadde gemerct als ick maer en woude dat hy daer oock wel ghesont worden soude. Ende ick seyde hem hy soude wel so sterck worden dat hi soude thuys comen in sijn hutte, ende dan soude hy recht ghesont werden ende hy ghinck met die antwoort wederom henen nae Mambukabe, het welck is vier mijlen van
Auteursrechtvrij