Uvaerachtige Historie ende beschrijuinge eens Landts in America gheleghen, wiens inwoonders Wilt, Naect, seer godtloos, ende wreede Menscheneeters zijn

Hoe si met mi dansten voor die hutten daer si die afgoden Tammerka in hadden.
Dat .XXIII. Capittel.

[fol. E1r]

DAer na voerden sy my van daer sy my die wijnbrauen af geschoren hadden voor de hutten daer die Tammerka haer afgoden in waren ende maecten eenen ronden

rinck om mi henen, daer stont int midden in, ende twee vrouwen bi mi, ende bonden mi met een snoer sommigedingen aen mijn een been die ratelden ende bonder mi oock achter op den hals een schijue van vogelsteerten gemaect, ende was viercant datse mi ouer thooft ginck, ende dat heet op haer sprake arasoia Daer nae begost dat vrouwen volck al tsamen te singhen, ende also haren thoon luyde so most ick metten bene daer sy my die ratelen aen ghebonden hadden neder treden, op dat het ratelende met haren sanck accorderen soude. En dat been daer ic in gewont was dede mi soo wee dat ick nau ghestaen en coste, want ick en was noch niet verbonden.