Nederlandsche gedichten uit de veertiende eeuw van Jan van Boendale, Hein van Aken e.a.

[p. 551]

aant.Dit sijn die .X. plaghen en̄ die .X. ghebode.

HADDIC der vernonften prijs /

Alsoe dat ic dies loves rijs

Vanden meestren mochte draghen /

Soe woudic dichten en̄ saghen
Herde meesterlec dese .X. ghebot /
Die de hoghe gheloefde God
Ghegeven heeft ons te nutte;
Want si sijn een weren der scutte
Voor der hoeftsonden vloet.
Maer nu es mi mijn moet
En̄ mijn sinne ongheslepen /
Daer om soe moetic scepen
Biden oever / en̄ nemen stade:
Die diepte wair mijn scade;
Want wair ic inden strome /
Dat waer mine onvrome.
Dat oever bediet mijn kinscheit:
Der cunsten ghewat es mi te breyt /

[p. 552]

 

En̄ te diepe en̄ te stranc;

20

Dair om soe es mijn ganc

 

Aent oever en̄ opt wijde rumst.

 

Ic en der niet met mire cleynre cunst

 

Inden¹ stroem varen der masterschaft.

 

Mijns sinnes scep en heeft gheen craft:

25

Worde hem een onwerder cont /

 

Het mochte sincken inden gront /

 

Dat waer mi te zwaere:

 

Ic en ben gheen zeevaerre /

 

Dat ic die diepte vergronde.

30

Ic en can niet subtijle vonde.

 

Die diepheit van dichtene / sonder waen /

 

Die soe moetic laten staen /

 

En̄ die sproken van cunsten fijn.

 

Grote diepte die soude mi sijn

35

Te zwaer: ic moetse neder legghen /

 

En̄ wil u met slechter redenen segghen

 

Die .X. ghebode / sonder waen.

 

Door God ghi sultse bat verstaen /

 

Dan² icse u metten dichten

40

Bedieden can ochte berichten.

 

Men merke den sin en̄ niet de dichte:

 

Die sin es groot / die dichte es lichte.

 

Die meerkeren en̄ de wijse /

 

Die de grote cunste prisen /

45

Si vendender hier cleyne.

 

Den leeken ic alleyne

 

Wille die redene ontdecken /

1 Hs. Niet inden.

2 Hs. Dat.

[p. 553]

 

Oft ic daer mede yet verwecken

 

Te Gode mochte haerre enech sin /

50

Hoe ic doch oncunstich bin /

 

En̄ waede in enen diepen tsomp.

 

Die wetsteen es van hem selven stomp /

 

En̄ maect menech wapen scarf.

 

Hier toe ic¹ goeder hulpen bedarf

55

Van U / hoech gheloefde God.

 

Helpt mi / dat ic der werelt spot

 

Niet en werde in dit boekelkijn /

 

Doer² die hoghe namen dijn /

 

Diemen drievoldich aen Di vint.

60

Du / Gods Sone / der Maghet Kint /

 

Vader / Soon / Heilich Gheest tsamen /

 

Hoe godlijc draghest³ Du die namen

 

In drien personen / sonder last /

 

En̄ sijn in Di alsoe vast

65

In enen God bestrict /

 

Sidermeer⁴ dat dit wonder scict

 

Dijnre volcomenre godheit list /

 

Soe helpt mi dat ic der sunden mist

 

Verwinnen mach met mire lere /

70

Dat die meneghe daer wt kere /

 

En̄ ontflie der hellen brant.

 

Gheeft mi u hulpe / Here Heilant /

 

Soe achtic cleyne op yemants spot.

 

Nu hoort hier dese .X. ghebot /

1 Hs. Hier ic toe.

2 Hs. Doe.

3 Draghest staat niet in het hs.

4 Hs. Gider meer.

[p. 554]

75

Die ons te houdene sijn ghegeven.

 

En̄ ic wil u Pharoens leven

 

Segghen / ende .X. plaghen

 

Die aen den coninc Pharo laghen;

 

En̄ wat die plaghen bedieden /

80

Dat wil ic den leken lieden

 

Segghen soe ic best can.

 

Met Gods hulpen beghin ic dan /

 

Dien alle dinghen sijn onderdaen.

 

Moyses / die goede Gods knecht /

85

Bescreef met sijnre hant dit recht /

 

Daer hem God godliken verscheen /

 

En̄ screefse in enen herden steen /

 

Dat si ewelike daer inne bleven.

 

Daer omme heeft hise also ghescreven

90

Datse die mensche scriven sal /

 

En̄ leerse en̄ onthoudse al /

 

En̄ graefse in dat herte sijn

 

Soe vaste / dat haerre leren schijn

 

Eweliken blive daer inne.

95

Helpt God / dat ic ghewinne

 

Te spreken met goeden sinne!