Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 137]
| |
Jans teesteye.aant.Prologhe.ALLE die ghene die dit werc
Sien / lesen ende horen /
Die gruetic Ian / gheheten Clerc /
Vander Vueren gheboren.
5[regelnummer]
Boendale heetmen mi daer /
Ende wone te Andwerpen nu /
Daer ic ghescreven hebbe menech iaer
Der scepenen brieve / dat segghic u;
En̄ sonderlinghe gruetic minen here
10[regelnummer]
Dien ic met herten minne
Om die doghet en̄ om die ere /
Dats minen here / her Rogiere /
Diemen heet van Leefdale.
Wie dat merket sine maniere
15[regelnummer]
Die machene kinnen wale:
Hoefsch / goedertieren en̄ midel /
In wandelinghen wel gheraect /
| |
[pagina 138]
| |
En̄ van ghenen poenten ydel
Die den goeden man volmaect.
20[regelnummer]
Desen boec sal ic hem senden /
En̄ hi sal heten Ians Teesteye.
Mijn teesteye sal hi hier venden;
God gheve dat si hem greye /
En̄ mire vrouwen sinen wive /
25[regelnummer]
Vander hogher comst van Cleve /
Wel gheraect en̄ scone van live /
Daer ic haer prijs om gheve:
Hoefsch / goedertieren en̄ vroet /
Ombesmet van alre blamen /
30[regelnummer]
Wie bi haer wesen moet /
Moet hem alre dorperheyt scamen.
God en wonde oec niet vergheten /
Hine wonde met namen sieren dese:
Hoe mochte men scoenre namen weten
35[regelnummer]
Dan Rogier en Angheneese?
Ic houdt daer over dat God onse Here
Deen na den andren sciep /
Beyde in scoenheden en̄ in eren:
Daer in sijn si even diep.
40[regelnummer]
Oec heeft hen God verleent
Kindere scone en̄ wel gheleert.
Met rechte sijn si twee vereent;
Want tsamen heefse God gheeert.
Danckens Gode / dats mijn raet /
45[regelnummer]
Die nemen can ende gheven:
So mach bliven dan haer staet
Met eren in lanc leven.
Desen boec die heeft inne
| |
[pagina 139]
| |
Dat tfolc nu es also goet
50[regelnummer]
Alst nye was van beghinne /
Dies menech niet en wilt wesen vroet;
En̄ van voert sal ic u leren
Vanden state alrehande
Des volx / der papen en̄ der heren
55[regelnummer]
Diemen vendt achter lande;
En̄ dan sal volghen sekerlike
Vanden doemsdaghe daer na /
En̄ vander bliscap van hemelrike
En̄ de druefheyt vander hellen / alsic versta.
60[regelnummer]
God onse Here die late mi
Volbringhen dit also /
Datter in sijn ere si
En̄ des volx orboer al daer toe.
Mijn sen en mach niet ledech wesen /
65[regelnummer]
In moet scriven / dichten of lesen;
Want mijn nature hevet so in /
En̄ al moyet minen sin
Daer om sone latix niet;
Wantmen in Cathone ghescreven siet /
70[regelnummer]
Dat ledecheyt tallen stonden
Voeden can die sonden;
En̄ want dichten es dan
Een sake daer hem een man
Onledech mede maken mach
75[regelnummer]
Vroech en̄ spade / nacht en̄ dach /
En̄ oec een reyne onlede es.
So willic dichten / des sijt gewes /
Also langhe als mi behoudt bleven
Die ghene diet mi heeft ghegheven /
| |
[pagina 140]
| |
80[regelnummer]
En̄ ict wel vermach van sinne
Daer hi mi behoude inne.
En̄ dat willic al gader keren
Inden dienst en̄ inder eren
Mijns heren Rogiers van Leefdale /
85[regelnummer]
Dien ic gheve alte male
Lijf en̄ goet / herte en̄ sin;
Want ic en an hem niet min
Naest Gode / den hoghen vryen /
En̄ sijnre liever moeder Marien.
90[regelnummer]
God gheve dat hi niet en vinde hier in
Dat hem wanhaghe in sinen sin;
Want ic hebbe gheweest in vresen
Alsic hem van dien en̄ van desen
Dichte / en̄ ict hem soude senden /
95[regelnummer]
Dat hi daer yet mochte venden
Dat buten bescede waer ghemaect;
Want hi es also gheraect
Van sinne / dat ics daer om mi
Te voerder huede / en̄ oec daer bi
100[regelnummer]
Want hi mi sulc stont heeft der af
Berespt van dien dat ic hem gaf.
Nu hoert / ic sal u nu vertellen
Hoe dat twee ghesellen
Te gader waren in wandelinghen
105[regelnummer]
En̄ spraken van velen dinghen.
Deen antworde op dsanders vragen;
Menegherhande was hare ghewaghen
Van des volx state en̄ wesen /
Dat meneghen lusten sal te lesen.
110[regelnummer]
Maer alden lieden / dies benic vroet /
| |
[pagina 141]
| |
En̄ saelt niet duncken wesen goet /
Dat sijn die nydeghe / dat verstaet /
Ofte die ghene daert ieghen gaet.
|
|