Nederlandsche gedichten uit de veertiende eeuw van Jan van Boendale, Hein van Aken e.a.

Hoe die soene ghemaect waert. C. LIX.

NU es die dach / meer no min /
Die gheset was te comene in.
Daer quamen si met goeder moete /
Vielen Melibeus voer die voete
Op hare kniën met meneghen traen /
En̄ spraken hem aldus aen:
Lieve here / wi sijn comen nu
Tuwen wille op ghenade van u /
Al ghereet tuwen ghebode /
En̄ bidden u om Gode
En̄ om uwer eren wille /
Dat ghi die wrake houdt stille
En̄ onse mesdaet wilt vergheven;
Want daer staet aldus bescreven:
So die mechteghe meer vergheeft /
So hi meer moghentheden heeft.

Doen sprac die here Melibeus

Met sijns wijfs rade aldus:
Al eest dat uwe hoverdechede

[p. 132]

 

Mi heeft ghedaen also lede /

 

Mi dunct nochtan / alsict versta /

3715

Datter mere oetmoet volghet na.

 

Daer bi willic uwen oetmoet

 

Aenscouwen; oetmoet es so goet /

 

Dat gheen dinc op ertrike

 

En es oetmoets ghelike.

3720

Mine goedertierenheyt heeft u

 

Daertoe bracht en̄ ghedwonghen nu /

 

Dat ghi hebt ghekeert daer bi

 

Uwen grammen moet van mi.

 

Uwen moet heeft mi ghedreven

3725

Daer toe dat ic u wille vergheven /

 

Aldus can mi in waren dinghen

 

Oetmoet vele goets in bringhen.

 

Salomon seghet: ‘Soete spraken

 

Connen vele vriende maken /

3730

En̄ harde tale die can

 

Ter gramscap wecken den man /

 

En̄ saechte antwerde weder

 

Can gramscap legghen neder.

 

Noch es daer een auctoriteyt /

3735

Niet wel en wetic wie dat seyt:

 

Dbeghin van vrienscapen es

 

Wel spreken / sijts gewes /

 

En̄ quaet spreken heeft in

 

Van viantscapen dat beghin.

3740

Want ic uwen groten rouwe

 

Wel merke en̄ aenscouwe /

 

So willict u vergheven al /

 

Om dat nu God vergheven sal;

[p. 133]

 

Want uwen groten rouwe in desen

3745

Sal uwe penitentie wesen;

 

En̄ uwe groete oetmoedecheyt

 

Verwect mi ter ghenadecheyt /

 

So dat ic u sal / sonder waen /

 

Vergheven dat ghi mi hebt mesdaen /

3750

En̄ hebt ontfaen mine gratie te hant.’

 

Doen hief hise op metter hant

 

En̄ custese aen haren mont /

 

En̄ sprac aldus ter selver stont:

 

‘Gaet met payse met onsen Here /

3755

En̄ en mesdoet niet mere.’

 

Aldus scieden si doe

 

In beyden siden blide en̄ vroe.

 

Dit boec waert met mire pinen

 

Ghetracteert uten latine /

3760

Al t Antwerpen in die poert

 

Int jaer na Gods gheboert

 

.XIII^e XL. ende twee /

 

Te half aprille / min no mee /

 

Daer menech scoen auctoriteit /

3765

Troest / raet / wijsheyt in leyt.

 

Diet dicwile lesen en̄ onthouden /

 

Haer worde selen menechsouden /

 

Ende si selen oec sonder blijf

 

Te bat varen aen ziele en̄ lijf.

3770

Gheloeft si God van hemelrike.

 

Nu segt Amen ghemeynlike.

Amen.