Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
AuteursrechtvrijVan goedertierenheden en̄ van ontfermherticheden. C. LVIII.DIe vrouwe metter goedertierenhede
Heeft die meeste ere vanden vrede.
Al segghic dat int ghemene /
3635[regelnummer]
In segt niet bi u allene /
Noch bi uwer ghelike mede /
Die behoert ter middelhede.
En es coninc no hertoghe /
Noch ander prince also hoghe /
3640[regelnummer]
Wilt hi sijn rike verhoeden /
Hine moet leren oetmoede
En̄ saechte en̄ ghenadech wesen /
Ofte sijn rike sal staen in vresen.
Daer om scrijft Paulus
3645[regelnummer]
Tote Tymotheus aldus:
Goedertierenheyt boven al gaet /
Want God gheloeft hem / dat verstaet /
Dit leven hier op ertrike /
En daer na dleven ewelikeGa naar voetnoot1.
3650[regelnummer]
Casstodorus seghet oec / die wise man /
Dat die goedertierenheyt can
Der princen rijcheyt verwaren.
Salomon seghet oec / twaren /
| |
[pagina 130]
| |
Dat die ontfermechede
3655[regelnummer]
En̄ die waerheyt daer toe mede
Den coninc bewaren scone
En̄ sere versieren sine crone /
En̄ dat goedertierenheyt met
Sine crone in rasten set.
3660[regelnummer]
Seneca seghet noch dit woert:
Dat nieman bat toe en hoert
Goedertierenheyt ende oetmoet /
Dant den coninc selve doet;
Dat crancste dierken en̄ dat cleynste met
3665[regelnummer]
Dats die bie / als ghi wel wet:
Hare coninc en heeft gheen strale
Om dat hem soetheyt toe hoert wale /
En̄ sijn sonder wrakelecheyt.
Seneca noch dit woert seyt:
3670[regelnummer]
Hi verwint qualijc / dies ghetrout /
Die sijnre victorien berout.
Lieve here / daer om biddic u /
Dat ghi ontfermech wilt sijn nu
In u vonnesse dat ghi daer
3675[regelnummer]
Uut gheven wilt also swaer /
So dat u God wilt na desen
Int leste vonnes ghenadech wesen.
Sinte Iacob / die apostel /
Scrivet in sine Epistel wel:
3680[regelnummer]
‘So wie dat doet vonnesse
Sonder ontfermenesse /
Sonder ontfermenesse sal hi
Oec ghedoemt werden baer bi.’
Alse dit ghehoert heeft en̄ verstaen
| |
[pagina 131]
| |
3685[regelnummer]
Melibeus / antworde hi saen:
Van vrients troest ende rade
Verhoghet herte vroech en̄ spade /
Daer bi willic gherne horen
Uwen raet uutvercoren /
3690[regelnummer]
En̄ volghen uwer goedertierenheyt
Ghelijc dat ghi nu hebt gheseyt;
Want die hem niet en laet gheraden
Valt dicke in scanden ende in scaden.
|
|