Nederlandsche gedichten uit de veertiende eeuw van Jan van Boendale, Hein van Aken e.a.

Van goeder famen. C. LVII.

MElibeus / dat willic u
Met auctoriteyten proeven nu /
Dat beter ware verlies met eren
Dan winninghe met onneren;
Want daer ghescreven staet
Dat ere boven scat gaet.
Men soude gheliken nemmermere
Scat jeghen fame ende ere.

Sydrac seyt / die meester goet /

Staet altoes na name goet /
Dien so blijft u na u leven /
Maer tgoet sal u begheven:
Goet name es beter na de doet
Dan .CM. scatte groet.
Wasdom die met scanden wies
Salmen altoes achten verlies.

[p. 127]

 

Salomon maect ons vroet:

 

Beter es een name goet

 

Dan een pretiose ungent.

 

Elder doet hi oec bekent:

3570

Beter es een name goet en fijn

 

Dan vele rijcheden sijn;

 

Gratie es beter menechfout

 

Dan zilver es ofte gout.

 

Noch seghet hi oec / die wise man /

3575

Dat goede fame maken can

 

Die deemsterheyt licht en̄ claer.

 

Sekerlijc / dat es waer:

 

Goet name heeft dicwile sere

 

Den meneghen ghehouden in sijn ere /

3580

En̄ claer ghemaect sijn donckerheyt /

 

En̄ in die scoenste voude gheleyt.

 

Daer bi versmaedt ghierecheyt

 

En̄ doet wat die Apostel seyt:

 

Poghet altoes in uwen sin /

3585

Om dat goeden name bringt in;

 

Want goeden name / God weet /

 

Es een goet omme cleet /

 

En̄ daer men onder mach decken

 

Harde vele / diet wel can mecken.

3590

Seyndi dese liede over zee

 

Om te kerene nemmermee /

 

Sone verwindi nemmermere

 

Die scande noch die onnere;

 

Want wat si daden tuwer eren

3595

Wildi tuwen scanden keren.

 

Si hebben u sonder waen

[p. 128]

 

Harde grote ere ghedaen /

 

Mettien dat si met allen

 

Tuwer wille sijn ghevallen.

3600

Nu wildi u ere verkeren

 

In scanden en̄ in onneren.

 

En̄ hoert tuwer eren niet

 

Dat ghi hart sult wesen yet

 

Den ghenen / vroech noch spade /

3605

Die vallen in uwe ghenade.

 

Al sijn si tuwen wille bleven /

 

Ghi mocht hem sulke vonnesse gheven /

 

So ongherecht en̄ so fel /

 

Si mochtent weder segghen wel /

3610

En̄ met redenen dus ontgaen:

 

En̄ soude die dinc dan gaen staen

 

In quader poente dan te voren /

 

So haddi u ere verloren.

 

En̄ soude men dan segghen twaren /

3615

Dat die scouden u waren.

 

Dalre quaetste dinc datmen vint /

 

Dats datmen doghet in arghe wint:

 

Want die des es ghewone /

 

Es recht des duvels sone

3620

En̄ oec beter niet een twint.

 

Lieve here / dit versint:

 

Na dien dat si u onnen /

 

Dat si u gheven hem verwonnen

 

Met so groter oetmoedechede /

3625

So gheeft u verwonnen mede;

 

So hebdi .ij. victorien dan /

 

Dat seghet Seneca / die wise man.

[p. 129]

 

Salomon doet ons bekint:

 

Die sijns selfs begherte verwint /

3630

Verwint een starke borch voer waer /

 

Dat te doene es harde swaer.