Nederlandsche gedichten uit de veertiende eeuw van Jan van Boendale, Hein van Aken e.a.

Hoe Prudentia haren man toe sprac. C. LVI.

HIerenbinnen so quam
Vrouwe Prudentia en̄ nam
Melibeus heymelike /
Ende vraghede hem subtilike
Wat penitentien hi woude
Dat elc van hem doen soude?
Hi seyde: ‘Vrouwe / des sijt vroet /
Ic wille hem nemen al haer goet
En̄ ghebieden hem dat si varen
Over die zee / sonder enech sparen /
En̄ nemmermeer en keren /
So benicker quite met eren.’

[p. 126]

 

Die vrouwe sprac daer naer /

 

Dat dat een quaet raet waer

3540

En̄ jeghen der redenen rade.

 

En̄ waert dat hi dat dade /

 

Dat hi daer na emmermere

 

Leven soude sonder ere;

 

Want hi soude voert meer na dan

3545

Gheheten sijn een ghierech man.

 

En̄ dat waer een scandelijc name

 

Voer alle die werelt onbequame;

 

Want Paulus seyt dat gramhent

 

Es wortel alder quaetheyt.