Nederlandsche gedichten uit de veertiende eeuw van Jan van Boendale, Hein van Aken e.a.

[p. 1]

Meliboeus.
Het boec van troeste ende van rade.aant.

Prologhe.

INDEN yrsten aenroepic Gode /
Daer ic ghelove en̄ ghebode
Af houde / en̄ bidde hem dat hi
Mijn troeste en̄ mijn hulpe si
Dat ic dit Boexken volbringhe
Dat ic beghinne handelinghe /
Dat ic gherne gheven soude /
Op dats mi God onnen woude /
Minen lieven here den hertoghe
Van Brabant¹ / dien God verhoghe
Beyde an ziele en̄ aen live;
Want al dat ic hier scrive
Dats troest en̄ raet uutvercoren /
Die den lants here toe behoren:

1 Waerschijnlijk hertog Jan III, die in Brabant regeerde van 1335 tot 1355.

[p. 2]

15

En̄ meneghe wijsheit / daer toe wet /

 

Vindi in dit boec gheset /

 

Al gheproeft metter waerheyt /

 

In menech scoen auctoriteyt

 

Dat die wise wilen screven

20

Die ons noch toe sijn bleven /

 

Hoe hem een mensche troesten sal

 

Ieghen scade ende ongheval.

 

Want vele liede sijn so cranc gemoet/

 

Als si scade hebben of rampspoet /

25

Dat si hem selven so verslaen

 

Dat si al te nieute gaen/

 

En̄ en soeken ghenen troest

 

Daer si bi worden verloest;

 

Of si sijn also bereet

30

En̄ ter wraken also heet /

 

Dat si hem selven sonder noet

 

Werpen in vernoeye groet/

 

Dies hem niet en soude ghescien

 

Wouden si vroeds raeds plien.

35

Dit boec leghet in latine /

 

Dat ic u met mire pine

 

In dietsche vertrecke so ic best can /

 

Eest dats mi God onse Here an

 

Die selve spreect / alsmen daer siet:

40

‘Sonder mi en moghedi doen niet¹.’

 

Al t' Andwerpen / daer ic wone /

 

Maecte ic dit boexken scone.

1 Sine me nihil potestis facere. Joann. 15, v. 5.

[p. 3]

 

Wildi des boecx name weten/

 

Melibeus sal hi heten;

45

Want het op dien man beghint

 

En̄ oec middelt ende int /

 

Alsoes meester Albertanus

 

In latine dichte aldus.

 

Van Bris was hi uter stat

50

Also bescreef hi selve dat.

 

Oec bescrijft hi wel voerwaer/

 

Dat hi dit boec maecte int jaer

 

Xij^e / dat ghi dat wet

 

Ende .xlvj. daer toe met./

55

So wie dat dit boec ghewint

 

Ende leest / en̄ wel versint

 

Moets emmer te beter wesen

 

Op dat hijt dicke wilt overlesen

 

Want die auctoriteyte rueren

60

Uter heyligher Scrifturen

 

Uten loye decretale

 

En̄ uten lereren also wale

 

Also dat latijn houdt in.

 

Nu hoert hier dat beghin.

Vs. 30. H. Of si sijn alsoe ghereet Ter wraken ende so heet.

Vs. 51. H. Oee beserijft hi mede vorwaer.