Bacchus

Den Ouden, en huydendaegschen droncke-man. Ontdeckt uyt de heydensche historien; onderricht uyt de Heylige Schriften

[fol. ††4r]

In Eundem Versus versi è Belgicis Reverendi viri, D. Bernhardini Moorii, in Latinos.

HAereticum Arminii nuper qui dogma retudit,
Limburgo indignante: is nisu surgit eodem,
Et calamis dirum doctè perstringit Jäcchum.
Surgite lurcones, quotquot veneranda vetustas
Damnatis Memorat chartis. Discrimina luxus
Antiquata notas celebri, Scepere, Papyro.
Pocula jam madidis trepidant turgentia mensis:
Et coelum illachrymat per tristia signa diŏtis,
Humoremque addit cyathis, quos impius haurit.
Spectaturne tibi rutulans impune Cometa,
Ad populi fatum, non uno lucidus igne?
Ignis, qui gulae damnosos comprimet ignes.
Nunc age, quid tritâ vacuatur cantharus ansâ?
Quid coelum in partes vitii trahis, Herculis ausus
Craterem, Baccique haustus affingere Olympo?
Detexit tam turpe scelus Sceperus, & Orco
Transcribens madidas animas dum crimina damnat,
Deterret, revocatque ad parcae limina vitae.

E.T.

A. Montanus.