Boeck van surgien
(1928)–Thomas Scellinc–
Auteursrecht onbekend
[pagina 198]
| |
die die natuer uut den vleesche verdriift ende die humoren bliven tusschen die huiit ende dat vlees overtollich. Ende ghi sult dat weten als die luse overtollich comen soe wort die mensche laserus. Als ghi wilt die lusen verdriven dan suldien salven met deser salve: R. ongheblust sulphur wieroc aspaltum nitrum eris ustum piperis stafisagere ana .ii. o. picis resine cere ana .v. o. al dit sal men op een cleen vier doen ende daerna menghen die pulveren vanden anderen medicinen die men pulverseren moet ende maken daeraf salve ende salvent tliif daer mede: Item water daerin ghesoden sal siin lupini tliif daermede ghewasschen verdriift die lusen: Item quicsilver inder palmen metter speekelen gheblust ende alsoe metter palmen opt liif ghewreven verdriift die lusen. |
|