Capm. van bloede te stelpen ter nasen.
Bloeden ter nasen mach siin van drie manieren hoet coemt van groter sterker hitten die bloet doen vallen of het coemt van veel overtolichs bloet of van groter cracht van natueren. Ist overkeerachtich bloet dan suldi maken wieken van cempenwerc ende nettent int witte van deneijeren ende [stroyen dair op] pulver van rosen ende mirtillen ende wieroc ende mastic van elx I. dr. ende steken die wieke in die nase: Item coemt dat bloet uter rechter nasen soe suldi nemen dat sap van weghebreeden ende wiinedic van beiden even vele ende tegader menghen. Of int sap van umbilicus veneris of donderbaer of nasscade ende netten daer een doec [van lynwaden] viervout of meer ghewonden ende legten op die lever in die rechter side. Ende vloijet uter slinker siden dan suldi die plaester legghen op die milte. Ghi sult oec ventosen doen setten sonder vliemen. Ghi sult oec binden den arm boven den ellenboghe ende die dien. Item verkensstront al werm ghehouden voer die nase ende gheroken stelpt bloet [haestelike]. Item blaeder van plompen ghehouden onder [die tonghe] stelpt dat bloet. Item manscullen gheleit in water ende in sterken wiinedic. Item der vrouwenborsten daermede ghewasschen stelpt bloet ter nase ten waer dat die natuer soe ondercomen waer ende ghecrenct dat sij niet onthouden
Auteursrecht onbekend