Ad virum celeberrimum Fredericum Ruyschium,
Med: Doct. Anat. & Botan. Professorem, Acad. Caes. Cur. Collegam: Regiae Societ. Angl. Membrum.
Cum anno AEtat: 87.
Curas Posteriores.
Ederet.
SIccine praestantes auget nova Cura labores,
Posterior quamvis tempore, mole prior?
Nominibusque tibi, Ruyschi Clarissime, multis
Devincis doctos nunc, velut ante, viros?
Laetare, abstrusos quisquis penetrare recessus,
Langaque naturae numera nosse cupis;
Pandit, in occultis fuerant quae tecta latebris,
Et reserat clausas Ruyschius arte fores.
I nunc! Pyramidum jactes portenta, labores
Exsuperat tenuis pagina, Memphi, tuos.
Quisquis eris, merito qui tot praeclara stupebis,
Quae locuples oculis offeret arca tuis;
Quisquis eris, venerare Deum, miracula dives
Qui tot in exiguo corpore summa creat;
Et Gratare seni, qui tot miracula magni
Numinis auxilio conspicienda dedit.
Felix! Muneribus qui sic ditaverit Orbem,
Er servet nomen post sua fata suum.
Gratulor annosam, Ruyschi Venerande, senectam
Gratulor exactos, non sine laude, dies;
Et, quanquam diris debebis cedere fatis,
Magne Vir, innumeros vivere digne dies,
Pro meritis, Medicum tibi quis obstrinxeris orbem,
Vives, quantumvis mortuus, usque tamen.
JOANNES OOSTERDYK SCHACHT.
|
|
Auteursrechtvrij