Werken. Deel III
(1934)–Jan van Ruusbroec–
Auteursrecht onbekend* VI * Dit es de seste trappe. * Het Godschouwend leven in zijn eerste moment: de vereeniging met de drieeenheid. *Hier-na volght de seste trappe, dat es: een claer insienGa naar voetnoot3), puer van gheesteGa naar voetnoot4) ende van ghedachtenGa naar voetnoot5). Dit sijn .iij. eighenscape der scouwender zielen die comen ende gaen ute eenen levende gronde, daer wi gode gheëeneght sijn boven redene ende boven alle ufeninghe van dooghdenGa naar voetnoot6). | |
[pagina 264]
| |
* A. De vereischte voorbereiding. *Die dit bevinden sal, hi moet alle sine dooghde ende alle sine goede werke gode offeren sonder opsienGa naar voetnoot1) van eeneghen looene. Ende boven-al, sooe moet hi hem-selven offeren ende overgheven in de vrië ghewoud gods, ende altoes vooertgaen, sonder ommesien, in de levende weerdegheitGa naar voetnoot2) gods. Aldus moet hi hem bereiden met der gratiën gods tote eenen scouwenden levene, sal hijt vercrighen. Sijn uutwendegh senleke leven moet sijn wel gheseedt ende wel gheordent in goeden werken van buten, vore alre menschen ooeghen.  Sijn inwendegh leven moet sijn vol gratiën, vol caritaten, ongheveistGa naar voetnoot3) in rechter meininghen, van allen dooghden rike.  Sine memorie sonder commer ende sorghen, vri ende los, van allen beelden quite. Sijn ghemuede vri, open, ende verhaven boven alle hemele. Sine ghedachte ledegh, sonder ghemerc, blooet in gode: dat es der minnender gheeste slotGa naar voetnoot4) daer vergaderen alle puere ghedachten in eene eenvuldeghe puerheit.
| |
* B. Het driedubbel aanrakingspunt met God in de ziel. *Dat es de wooeninghe gods in ons, daer nieman in werken en mach dan god alleene. Die puerheit es eeweghGa naar voetnoot5): daer en es tijd noch stad, vore noch na; maer si es altoes jeghenwerdegh, bereedGa naar voetnoot6), ende oppenbaerGa naar voetnoot7) den pueren ghedachtenGa naar voetnoot8) die daer in verhaven sijn. Siet daer sijn wi alle één, levende in gode, ende god in ons. Dat eenvuldeghe éénGa naar voetnoot9) es altoes claer ende oppenbaer den verstendeghen ooeghen in haren inkeere in puerheit der ghedachten. Daer es de locht suver ende reine, verclaert met godleken lichte. Daer es insien, staren ende scouwen eeweghe waerheit, met overformden verclaerden ooeghen. Daer sijn alle ding eenformegh, ééne waerheit ende één beelde in den spieghel der wijsheit gods. Dat wi
| |
[pagina 265]
| |
dit beelde venden, bekinnen ende besitten moghen in onse wesen ende in puerheit onser ghedachten: daer-toe heeft ons god ghemaectGa naar voetnoot1). Ende alse wi dit aensien ende ufenen in godleken lichte met eenvuldeghen verstendeghen ooeghen, soe hebben wi een scouwende leven.  Maer hier-toe behooert noch .i. poent, dat es: puerheit van gheeste; want eene ledeghe onghebeelde ghedachte, een claer scouwen in godleken lichte, ende .i. puer verhaven gheest vore gods ansichte: dese .iij. te gadere, sijn .i. ghewaregh scouwende leven, daer nieman in dolen en mach; want de puere gheest es altoes neighende ende navolghendeGa naar voetnoot2) den claren verstane met blooeter minnenGa naar voetnoot3) in sijn beghin.
| |
* C. Het medeleven met de Drieeenheid. *Ende onse hemelsche vader es beghin ende inde alles ghewerdensGa naar voetnoot4). In heme beghinnen wi al goed met blooeter ghedachten in onghebeelden ghesichte. In sinen sone aensien wi alle waerheit met verclaerden verstane in godleken lichte. In den heileghen gheeste volbringhen wi al onse werken, daer wi ons ontgheesten met blooeter minnen in gods ansichte: daer sijn wi los ende ledegh van alre hystoriënGa naar voetnoot5) ende van allen ghedichteGa naar voetnoot6). Dit es een scouwende leven na den hooeghsten ghewichte. In elken ooeghenblicke beghinnen ende volbringhen, dat sijn der minnen rade. Ende dit es de seste trappe van onsen hemelschen grade.
|
|