Werken. Deel III

[p. 59]

<Vanden kerstenen ghelove>

[p. 61]

<Vanden kerstenen ghelove¹⁾>

* Proloog *

Soe wie dat behouden wilt zijn ende <comen>²⁾ in dat eewighe leven, hem es van node <noot>³⁾ dat hi hebbe, ende behoude tot in zijn inde, kersten ghelove. <Want overmids ghelove>⁴⁾ soe weft die ziele met gode gheëenicht ende ghetrout als een bruyt haren brudegom. Ghelove leydt die ziele in een ghetrouwen gode, ende gevet haere een zalich <bekennen>⁵⁾ gods ende eewigher dinghe. Ende dit bekinnen beghint hier, ende in dat eewighe leven eest volmaect. Want daer bescout men gode inder eewigher claerheit van aenschijn te aenschine alsoe hi es. Kersten ghelove leert ons hoe wij leven selen ende wat ons god van minnen ghedaen hevet ende noch doen wilt inder eewicheit, Ende hier-omme, sonder ghewarich ghelove en mach niemen wel leven, noch gode behaghen, noch salich werden, wat hi anders goeder werke wrachte.

1) Naar G; Dat Gheloef D: Liber de Fide; De Fide et Judicio sur.

2) Add. G, D.

3) Add. G, D.

4) Add. D; per fidem enim sur.

5) G, D; betrouwen F.