Werken. Deel III
(1934)–Jan van Ruusbroec–
[pagina 41]
| |
* Slot. Het vierde element van het volmaakte leven: algenoegzaamheid. *Die mensche die ute deser hoocheit van gode <neder>Ga naar voetnoot1)-ghesent wert inde werelt, hi es volder waerheit, ende rijcke van allen doechden. Ende hi en soeket sijns niet, maer des-gheens eere dieneGa naar voetnoot2) ghesonden heeft. Ende daer-omme es hi gherecht ende warechtich in allen dinghen. Ende hi heeft eenen rijcken meldenGa naar voetnoot3) gront, die ghefondeert es inde rijcheit gods. Ende daer-omme moet hi altoes vloeyen in alle die-ghene die sijns behoeven; want die levende fonteyne des heilichs gheests die es sine rijcheit diemen niet versceppen en machGa naar voetnoot4). Ende hi es een levende willich <instrument>Ga naar voetnoot5) gods daer god mede werct wat hi wilt ende hoe hi wilt; ende des en dreecht hi hem niet aneGa naar voetnoot6), maer hi gheeft gode die eere. Ende daer omme blijft hi willich ende ghereet al te doene dat god ghebiedt; ende sterc ende ghenendich altGa naar voetnoot7) te dogene ende te verdraghene dat god op hem ghestaedt. Ende hier-omme heeft hi een ghemeyn leven; want hem es scouwen ende werken even ghereet, ende in beyden es hi volcomen. Want niemen en mach dit ghemeyn leven hebben, hi en si <een>Ga naar voetnoot8) scouwende mensche; ende niemen en mach scouwen noch gods ghebruken hi en hebbe dese .vj. poente in hem alsoe gheordent als icse hier vore seideGa naar voetnoot9).![]() ![]() |
|