Album Joannis Rotarii (Johan Radermacher)
(ca. 1560-1620)–Johan Radermacher (de Oude)–
Auteursrechtvrij
[Folio 57v]
| |
[14. Johannes Vivianus, Gedicht voor zijn verloofde.aant.]Vivianus ad Sponsam.
Amore saucius, meae
Libo puellae ut osculum,
Dulcemque duco Spiritus
5[regelnummer]
Florem, anima anhela protinus
Ad pervium se colligit
Oris meatum, ubi diu
Luctata, tandem et percita
Amoris igne, deserens
10[regelnummer]
Memet subibat flammeum
Labrum puellae. Sed quid huic
Demum futurum? quid mihi?
Ut ad puellam viverem
Ad me foremque ut mortuus?
15[regelnummer]
Salve puella, Caelitum
Puella cura, quae meum
Cor possides, non languidos
Lasciva amores lubricis
Iaculans ocellis, nec gravi
20[regelnummer]
Elata sensu: sed bono
Micans colore, et simplici
Virtute flagrans. quae ioco
Nutuque, puroque osculo
Animam revelas nobilem.
25[regelnummer]
Salve puella, cui mea
Si rite quid mens concipit
Si dulce quid sonat chelys
Debetur, in cuius sinum
Curas reponoque anxias
30[regelnummer]
Et me mihi recolligo.
|
|