Album Joannis Rotarii (Johan Radermacher)

[fol.  57r]

[13. Johannes Vivianus en Jacobus Susius, Religieus gedicht.aant.]

Johannis Viviani et Jacobi Susii

Si quando solis aureum
Fuscaverint nubes iubar,
Quod cuncta sub polo fovet,
Quô cuncta per terras virent:
Tunc machina haec rerum horrida,
Suam procul nec purpuram
Flores nitorem aut emicant,
Languetque frondium decus
Nec aviis silvis aves
Iterare carmen audias:
Sic cum beato Spiritus
Fulgore sancti deseror,
Caligo menti offunditur
Meae. misella tunc nequit
Videre cui tuto suam
Credat salutem, palpitim ¹
Cor deficit, sensus labant
Obire nec suum queunt
Precationis lucidum
Munus. sed ô fervens Patris
Gnatique flamma, sic meum
Sic pectus illis ignibus
Incende caecum, et aridos
Amore sensus inriga
Almo, plus ut nulla obstruat
Caligo. sed semper tuo
Fruensque laeto lumine
Radioque tactus fulgido
Preces modosque funditem.

1 Lees: palpitans