Album Joannis Rotarii (Johan Radermacher)

[fol. 56r]

[12. Johannes Vivianus, twee gedichten op het    Theatrum Orbis van Abraham Ortelius.]

Hoc habuere Theatra olim, depingere mores

Cuique sui populi: ast altius Ortelius

Rem aggressus, Mundi, qui factus notior, omnes

Quam coeli varia sub regione plagas

Induxit, marium tractus, positusque locorum,

Hinc hominum et possis discere ut ingenia.

Nam quibus ad gelidum locus est declivior axem

Corda stupent pigro semisepulta situ,

Effrenes animos alii sub Sole calentes

Assiduo nimiâ mobilitate gerunt.

At bona temperies generosos pectoris haustus

Sufficit, hîc roseo gratior aura die.

Hîc placidae mentes, Iusti reverentia, summi

Numinis, et sanctae relligionis amor.

Quicunque ille fuit, congessit corpus in unum

Qui dispersa prius carmina Maeonidae:

Vitam illis servavit. Idem sera accinet aetas,

Ni minus aequa isthaec Ortelii studio,

Quo sine iam monumenta situs depasceret, Orbi

Queis mutilis notus non satis Orbis erat.

Membra suum in corpus, pulchro ast digesta reponens

Ordine, Victuris seu ¹ dedit unà animam.

1 Lees: ceu.

[fol. 56v]

[blanco]