Album Joannis Rotarii (Johan Radermacher)

[11. Johannes Vivianus, Religieuze hymne.]

Ut capita Mundi, Principes
Fremant potentes, arduis
Conatibus, queis solvier
Aeterna sperent vincula
Rerum. ut ferantur omnia
Sursum, deorsum : me Dei
Tutum benignitas fovet
Mî dulcis in Deo quies.
Mens et malorum fluctibus,
Quando aestuat aegra, ad Dei
Opem recurro, et alloquor
Praesentem, et imo pectore
Profundo gemitus. quo dolor
Facessit omnis, libera
Mens spirat, et vero simul
Mî palpitat cor gaudio.