Album Joannis Rotarii (Johan Radermacher)

[fol. 58r]

[15. Johannes Vivianus, Gedicht op de intocht van Christus in Jerusalem.]

Elate sapiens te quibus oculis putem

Aspicere Christum, dum subit

Asinae insidens Solymis superba moenia,

Et turba circum incondita

Aetatis omnis accinit Regi, Deum

Laudatque coelitum Patrem?

Elate sapiens, haec scio, ludum facis,

Sed serium quàm sit Deo

Attende praedixisse vates, queis sua

Decreta iam olim credidit.

Tibique anime, sit serium haec expendere

Regnumque Christi discere,

Vitam esse quae commune cum mortalium

Rebus caducis nil habet,

Inde inchoandam, lumina ut hinc avoces

Soloque figas in Deo.

Sic non erit nimis humilis Christus tibi

Rex nunc et aeternum tuus.

1 Hier staan de Griekse chi, rho en iota.