De ring fan it ljocht

(1976)–Ype Poortinga– rechtenstatus


Karper Yn 'e Wide Pet krige Jan in ûnbidigen karper oan 'e angel. Dy sloech sa bot, doe't er him út it wetter lûke soe, dat dêr wie neat mei to bigjinnen. In skepnet hie er ek
[pagina 395]
net by him. ‘Doe ha 'k him mar karde mei de hân en it duorre mar even doe wie er sa mak as in laem. Ik ha de hân der ûnder lein en him yn 't boat wipt’. Hy hie ris freonen to iten. ‘Ik en Tsjits ha ornearre, wy moasten hjoed mar karper ite’. ‘Hoe komstou oan karper?’ Doe fortelde er dan fan dy greate karper. ‘En dêr ite ik en Tsjits nou al twa jier fan’. ‘Dat lychste, Jan! Dan stonk er as in murd’. Hy sei: ‘Tsjits, de karper op 'e tafel. Lit rûke!’