De ring fan it ljocht

Fryske folksforhalen

De toer om 'e trep

To Dokkum soene se in toer bouwe en boppe op dy toer woene se in great krús ha. Se sieten der mei-elkoar yn 'e ried oer to praten en doe sei de timmerbaes dy't it karwei útfiere soe: ‘Ja, mar sa't jim dy toer bouwe wolle, sil der in slingertrep yn

[p. 254]

moatte. En jim wolle der in swier krús op ha - dat wurdt in heikerwei, hwant om him by de trep op to tôgjen, dêr is sa'n trep fierstento smel ta; takelje sil ek min gean, dat ik bin bang, wy krije dat krús noait boppe’. Doe sei ien fan 'e riedsleden: ‘Sa slim is dat net! Baes, jo bouwe earst de trep, hielendal oan boppen ta; wy sjouwe it krús nei boppen, sette it op 'e spits, en dan bouwe jo fierder de toer mar om 'e trep’.