Heimelijkheid der heimelijkheden
(1917)–Jacob van Maerlant–
Auteursrecht onbekendVIII.Wie men tellen mach vor heren:
565[regelnummer]
Deerste es, dat men marken moet,
Of hi es van levene goet;
Dander es, dat men bekinne,
Of hi hevet der liede minne,
Ende int derde so marken wi,
570[regelnummer]
Of hi besceden milde si;
Ende tfierde es van dien,
Of hi erlike es ontsien.
Elc lands here kere hem daer toe,Ga naar margenoot+
Dat hi sine dinc so doe
575[regelnummer]
Dat hi sijns volx herte in winne;
Sette daer toe sine sinne,
Dat hi tonrecht ave doe:
Sone sal dat volc weten, hoe
Dat si quaet spreken van den here;Ga naar margenoot+
580[regelnummer]
Ende eist dat men dat spreken ontkere,Ga naar voetnoot580
| |
[pagina 135]
| |
Dats sonder anx ende vrese een twint,aant.
Die lands here ne werde ghemint;
Want breect men die tale quaet,
Men beneemt die bose daet.
585[regelnummer]
Dies eist ene hoghe wijshede,Ga naar voetnoot585aant.
Dat sine hoghe eerlichede
So waert si inder liede sinne,
Datsi clemme boven der minne.
Ga naar margenoot+Men leest, dat in sijn conincrikeGa naar margenoot+
590[regelnummer]
Die coninc es des reghens ghelike,Ga naar margenoot+
Dat ene ghichte es van Gode scone,
Ene benedictie van den trone,
Der erden lijf ende daer toe medeGa naar voetnoot593
Helpe alder menschelijchede;
595[regelnummer]
Want van reghene coemt groot goed,
Ende in reghen es menich onspoet:
Daer es in donder ende wederlecht,
Entie rivieren wasser bi echt,
Ende lopen over, ende tonstade;aant.
600[regelnummer]
Dus coemt van reghene dicken scade:
Nochtan laet ment daer bi niet,
Men loofter Gode in, alst ghesciet,
Omt vordeel ende om die noot,
Al coemter somwile of scade groot.
605[regelnummer]
Dies ghelijx eist van den winden,Ga naar voetnoot605
Die God ter werelt wille sindenaant.
Ut sinen overvloiden scatte:
| |
[pagina 136]
| |
Menighe scade coemt in datte,
Als van storme ende van vloede;Ga naar margenoot+
610[regelnummer]
Nochtan comets vele te goede,
Want men mochts omberen niet.
Dit selve vallet ende ghesciedGa naar voetnoot612
Dicken van des somers hitte,
Grote scade ende grote smitte;aant.
615[regelnummer]
Ende so doet van des winters coudeGa naar margenoot+
Vernoi ende scade menichfoude;
Nochtan mach men gheens omberen,
Sal hare die mensceit gheneren
Ende die andere creaturen.
620[regelnummer]
Dus, so dinket der scrifturen,Ga naar voetnoot620
Mach men van lantheren spreken;
Al eist, dat si ter noot afbreken
Haren ondersaten me dan recht,
Men mochter omberen nu ende echt,
625[regelnummer]
Want die werelt ware buter ercaant.
Sonder wet ende sonder here.Ga naar margenoot+
Ga naar margenoot+Lands here sal marken als die vroedeGa naar margenoot+
Om sire liede aremoede,
Entie vercranct sijn ende oud,
630[regelnummer]
Ende sien dat mense uphoud,
Ende daer toe kiesen enen man,
Diet gherne doet ende diet wel can,
Dat hi den goenen sta in staden,
Die arem sijn ende oec verladen.
635[regelnummer]
Hier bi wart die lands here ghemint,
Ende verre in doechden bekint,
Ende die liede wardens vro,
Ga naar margenoot+Ende men doet Gode lieve also.Ga naar voetnoot638
Heren sijn sculdich te vorsiene,Ga naar voetnoot639
| |
[pagina 137]
| |
640[regelnummer]
Als diere tide sijn te ghesciene,
Dat si van corne sijn bewist
In borghe, in stat, in solre, in kist.
Ga naar margenoot+Heren sullen sijn in der hoede
Te sturtene van menscen bloede,
645[regelnummer]
Want hets ene dorpere mesdaet;
Want het Gode allene bestaet,Ga naar voetnoot646
Dat hi sterven doet den man,
Want hi es die tlijf gheven kan,
Ende diet al bi redenen doet,
650[regelnummer]
Dat was ende es ende wesen moet.
Elc hoedem dan vor den slach,Ga naar voetnoot651Ga naar margenoot+
Als verre als recht gheduren mach,
Want Hermogenes die seghet,
Dat vor Gode te claghene pleghet
655[regelnummer]
Al die macht van hemelrike,
Als die man slaet sine ghelike.
So langhe ghedurt die claghe,
Dat God ghelt slach met slaghe.
Heren sullen horen geestenGa naar margenoot+
660[regelnummer]
Van den wijsten ende van den meesten,
Van dat hier voren es overleden.
Daer in moghen si vinden wijsheden,
Ende in overledene dinghe leren,Ga naar voetnoot663Ga naar margenoot+
Hoe men nu die dinc sal keren.
665[regelnummer]
Noch versmaden noch verhatenGa naar voetnoot665aant.
Ne sullen si nemmermeer den maten,Ga naar margenoot+
Want menich word in sijn leven
Van cleenre dinc hoghe verheven,
Ende dan so mach hi beraden
| |
[pagina 138]
| |
670[regelnummer]
Lichtelike vele scaden.
Ga naar margenoot+Heren ne sullen altoos niet breken,
Dat si beloven ende spreken:
Die trouwe breken sijn keytiven,
Si slachten den ghemenen wiven.Ga naar voetnoot674
675[regelnummer]
Men sal trouwelic in allen hoven
Houden, dat men sal beloven,
Want quade ende volghet ontrouwen;Ga naar voetnoot677
Ende al mach men somwile scouwenaant.
Somich vordeel int bedrieghen,
680[regelnummer]
Nochtan marct wel, dat dit lieghen
Al te quaden ende coemt,
Ende wie soos volghet, ward verdoemt.
Van trouwen coemt, als wijt vernamen,Ga naar voetnoot683
Dat die liede wonen te samen;
685[regelnummer]
Trouwe hevet ghemaect die steden;
Trouwe houd die menichte in vreden;
Trouwe maect die heren waerd;Ga naar margenoot+
Trouwe houd vesten onvervaerd;aant.
Drijf die trouwe ut erdrike,
690[regelnummer]
So es tvolc beesten ghelike:Ga naar voetnoot690
Lands here! houd dan dine trouwe
Ende dijn beloven, dat bescouwe;Ga naar voetnoot692aant.
Ende al ware dijn beloven swaer,
Houd emmer vaste, al gaet te naer.
|
|