Van de Schelde tot de Weichsel. Deel 3: Friesland

Evangeelje Matthal. Cap. V^*).

1. Man diar hi det skööl lidj siigh, ging hi ap üübh an berragh an siad ham deel, an sin jüngarn tread hen tu ham.

2. An hi ded san müs ap, liard jo an sâd:

3. Sâlagh san dönnan, diar geissalk âram san: at hemmalrik as herrens.

4. Sâlagh san dönnan, diar surgi: jo skel treast wurd.

5. Sâlagh san a gilasnan: jo skel a eardark hâ.

*) Uit: Chr. Johansen, Die Nordfriesische Sprache nach der Fohringer und Amrumer Mundart. Kiel, 1862.

[p. 253]

6. Sâlagh san dönnan, diar hongri an tharsti eftar a girechtaghâid: jo skel sat wurd.

7. Sâlagh san a barmhartagan: jo skel barmhartaghâid finj.

8. Sâlagh san dönnan, diar an rian hart hâ: jo skel God se.

9. Sâlagh san a freeshalkan: jo skel Gods bearenkin het.

10. Sâlagh san dönnan, diar am a girechtaghâid vörfullacht wurd: at hemmalrik as herrens.

11. Sâlagh san jam, wan a minskan jam am man wal spaati an vörfulgi an snâki allarhant iaraghs jin jam, wan jo det leegh;

12. Wee'sm bliish an wel tu mud, hat skal jam uun hemmal wel biluanat wurd. Allikso hâ's a propheten vörfullacht, diar vöör jam weeshen hâ.

13. Jam san a eardark her sâlt; wan at salt nü sin kreaft vörleast, huarme skal'm do sâlti? Hat as do nian nat muar, üsh dat 'm't ütjsköddat; dat at lidj 'r üübh treat.

14. Jam san a wearlt her lâcht. An stead, diar üübh an berragh steant, kaan egh vörborgan bliiw.

15. Ham teant uk egh an lâcht uun an sât at onnar an ammar, man üübh an lâchtstonnar, do skintj at föör al dönnan, diar uun det hüs san.

16. Alikso leat jam jammans lâcht skiin föör a minskan, dat's jammans guud werkan se an jammans Veedar uun hemmal priisi.

17. Jam skel egh men, dat ik kimman san, at gisets of a propheten aptuliashin. Ik san egh kimman aptuliashin, man tu vollangh tu bringhan.

18. Diaram sâi ik jam, was an waraftagh, bet dat hemmal an eardark vörgongt, skal neddar a manst buksteaf noch an töttalk vân 't gisets tu nant kem, bet dat at allas skest.

19. Hokkar nü ian vân das letjst gibotan apliashat an liart a minskan so: hi skal a letjst het uun 't hemmalrik; man diar 't dea an liart: di skal grat het uun 't hemmalrik.

20. Diaram sâi ik jam: Jammans girechtaghâid weesh beedar üsh a skraftgiliarden an a pharisears her, öödars kön jam egh iinkem uun 't hemmalrik.

21. Jam hâ hiard, dat'r tu a ualan sàd as: Dü skeal egh duadslàu; man diar duadslâit, skal vöört giricht.

22. Man ik sâi jam: Hokkar san bruddar hâdat, vôrthiinat vöör't giricht tu kemmen. Man diar tu san bruddar sâit: Racha! di skal vöör 't huuchst giricht. Man diar sâit: dü nar! hi vörthiinat at ial uun a heal.

23. Diaram, wan dū din gâw üüb 't âltar aaferst an komst diar aram tu theenkan, dat dan bruddar wat jin di hea:

24. Do leat diar üübhsteed din gâw vöör 't âltar an gung iarst hen an vörsööni di me dan bruddar, an do kem an aafri din gâw.

25. Wees wallagh dan klâgar bal tutujiwwan, am dat dü noch me ham onnarwâi beest, dat a klâgar di egh àuaraantwurdat tu a rachtar, an a rachtar àuaraantwurdat di a thiinar, dat dü uunt suart hüs braacht waarst.

26. Ik sâi di: wiar an waraftagh, dü wel 'r egh ütjuf kem, iar dü a leetst pannangh bitâlast.

27. Jam hâ hiard, dat 'r tu a ualen sâd as: dü skeal egh huuri.

[p. 254]

28. Man ik sâi jam: Hokkar an wüfhaad uunlukkat, her to bigiaren, hi he al huurarei bidrewwan uun sin hart.

29. Man mâgat din rocht uugh di iaragh, do riiw 't ütj an smitj at vân di. Hat as beedar föör di, dat ian of öödar las vördarft, an egh dan hial licham jin uun heal smedden waart.

30. Mâgat din rocht hun di taragh, do hàu's uf an smitj's vân di. Hat as beedar föör di, dat ian of öödar las vördarft, an egh dan hial licham iin uun heal smedden waart.

31. Diar 's uk sâd: Hokkar ham skeast van siin wüf, skal her an ufskiashbriaf du.

32. Man ik sâi jam: Hokkar ham skeast vân sin wüf, (hat mâi do weesh àu'r huurarei), di mâgat, dat jü a ehe breacht; an diar an skeast freit, hi breacht a ehe.

33. Jam hâ fardar hiard, dat'r tu a ualen sâd as: Dü skeal nean falskan ias sweer an skeal God dan ias hual.

34. Man ik sai jam, dat jam hialantâl egh sweer skel, neddar bi a hemmal, am dat hi God san stuul as,

35. Noch bi a eardark, am dat jü an skeemalk föö'r God sin fet as; noch bi Jerusalem, am dat det an gratten könnangh sin stead as.

36. Dü skeal uk egh sweer bi din haad, am dat dü egh ianachst Hiar weddar suart of witj mâgi könst.

37. Jammans reed an aantwurd weesh: ja, wat ja, nân, wat nân as; wat'r àu'r as, det as vân 't iaragh.

38. Jam hâ hiard, dat 'r sâd as: Uugh föör uug, tus föör tus.

39. Man ik sâi jam, dat jam at iaragh àu'r jam gung leat skel, dat wan'r di hokkar an dàu dea üübh din rocht schuuk, do hual uk tu me a lacht.

40. An wan'r hokkar me di rochtagi an dan rok nem wal, do leat ham uk a mantal bihual.

41. An wan'r di hokkar nuadacht ian miil [me ham tu gungan], do gung dü tàu me ham.

42. Du di wat, diar di bat, an wen di egh vân di, diar bi di lian wal.

43. Jam hâ hiard, dat 'r sâd as: Dü skeal dan nâist lef hâ an dan fiint hâdi.

44. Man ik sâi jam: Hâ'm jammans fiintan lef, seegni'm dönnan, diar jam vörflek, du'm wel, diar jam hâdi, beedgi'm föör dönnan, diar jam iaragh du an jam vörfulgi,

45. Dat jam jammans Feedar uun hemmal sin bearenkin san, diar sin san apgung leat àu'r a iargan an àu'r a guudan an leat riin àu'r a girechten an àu'r a üngirechten.

46. Wan jam dönnan lef hâ, diar jam lef ha, wat skul jam diar föör luan föör fu? Du a tolnars egh liiwarlikso?

47. An wan jam man bliish san tu jammans breddarn, wat du jam do föör bisannarliks? Du a tolnars egh hiwarlikso?

48. Diaram skel jam volankemman weesh, liküsh jammans Feedar uun hemmal volankemman as.