Van de Schelde tot de Weichsel. Deel 3: Friesland

Frijdom^*).

Fljucht in fûgeltsje ôer de fjilden,

Den is 't bliid en wol to môed;

't Sjongt en springt yn fölle frijdom,

En dy frijdom döcht⁽¹⁾ him gôed.

Mar der komt in fûgelflapper,

Dy 't him fangt en nimt him mei;

En dy aeit him en dy flaeit him,

Mar den is syn frijdom wei.

Yn in kauke⁽²⁾ mat er sitte;

Hy is 't eindom⁽³⁾ fen syn hear.

Lit him sjonge, lit him springe,

Frij is 't fûgeltsje net mear.

Ek dyn hertsje mist de frijdom,

Swiete faem! it waerd myn bút:

Yn myn hert hab ik it sletten

En it komt er net wer út.

Wotte⁽⁴⁾ sjonge, wotte springe,

Dat is thige nei myn sin;

Lykwol maste jimmer fiele,

Dat ik eigner fen dy bin.

Waling Dykstra.

*) Evenals 't volgende uit: De boeresjonger, nij frîsk lieteboek for feinten en fammen opmakke fen Waling Dykstra, 3e pr. Freantsjer, T. Telenga. Prijs ƒ 0,30.

(1) Döcht, doet.

(2) Kauke, kooitje.

(3) Eindom, eigendom.

(4) Wotte, wilt gij.