Van de Schelde tot de Weichsel. Deel 2: Neder-Duitschland

Knost un sine drei Siöhne. (Münster und umgegend.)

Daor was een Buhr in Soest, de hedde Knost, un hadde drei Siöhne.

De eene hedde Jost, de andre Knost, un de diärde hedde Janbäänken⁽⁴⁾.

De wullen alle dreie reisen; de erste was lamm, de twedde was blind, un de diärde konn gar nig gaohen.

Dao quammen se an en graut, graut Water, daor wassen drei Schipp up.

Dat eene was lack⁽⁵⁾, dat andre dat brack, un dat diärde dao was kinnen Buoden in.

Un dao, wao kinnen Buoden in was, dao gongen se alle drei in sitten.

De eene versank, de andre verdrank, de diärde quamm gar nich wier.

Un de nu gar nig wier kamm, de kamm in eenen grauten, grauten Wold.

Un in den Wold daor was eenen grauten, grauten, grauten Baum.

Un in den Baum dao was en busbaumenen Pastor un en höltenen Köster in.

De delden⁽⁶⁾ alle Sunndage dat Wiehwater met Kniüpeln ut.

(4) Janbäänken, Johann Bernhärdchen

(5) Lack, leck.

(6) Delden, theilten.