Van de Schelde tot de Weichsel. Deel 2: Neder-Duitschland
(1882)–L. Leopold, Joh. A. Leopold–
Auteursrechtvrij
[pagina 226]
| |
En Kinnerfest. (En Märken.) (1814).Gretj un Hans,
Antj un Frans,
Klas un Stin,
Mars un Trin
Weren so
Hartensfroh!
Denn Papa
Un Mama
Leten se
Morgensfröh
Föhren in
Hus-bliv sin
Wagen to
Herr un Froo
Up en Smus.
‘Et un drinkt,
Danszt un springt
(Rep Mama
Jem noch na)
Nich so dull
As en BullGa naar voetnoot(2);
Sünst givt't wat -
Ji kennt dat!’
Nu ging't fort
Na den Ort.
Disch wer deckt;
Wenn't man smeckt!
Da wer vel,
Wat lütj Seel
Laben kann;
Hört ins an:
Erst en Supp
Füll-nich-up;
En Gericht
Sur-Gesicht;
En Gemisch
Nix-uppen-Disch.
Wat kem do?
Hart un roh
Sehn un GnuschGa naar voetnoot(3)
Husch un Snusch.
Do gans hetGa naar voetnoot(4)
En Pastet
Leddig-Nest.
Nu en Rest
Eierschelln
För de Mamselln.
Up den Disch
Kem nu'n Fisch
Fangst-mi-nich.
Do wiist sich
'n brat Kalkut
Noch nich ut
Dopp un Ei.
Veererlei
TogemösGa naar voetnoot(5)
För de Moschös:
Kirschensten,
Dat wer en;
Leddig Fatt,
Twe sünd dat,
Dowe NüttGa naar voetnoot(6),
Dat's dat drütt;
Veer sünd't nu.
Do erschint
(Levken grintGa naar voetnoot(8)
In den Bart!)
Appel-Tort
(Slickeri,
Rech för di,
Slickertasch!)
Deg vun Asch.
In den Deg
Steit't man legGa naar voetnoot(9)!
Appel nog
Süht dat Og
Hier so schön
Antosehn,
Un so smug
Vun Geruch
As Kompott -
Doch verrott
Is tosam
De hele Kram.
Tum Deseer:
Appel, Beer,
Kasbeer, Win-
Druv, Rosin,
Ananas -
All vun Was.
Old un Junk
Steg de Drunk
Rük-an-Propp
Meist to Kopp.
‘Nu man to
(Seggt de Fro
Nüms-to-Hus
To lütj GrusGa naar voetnoot(10):
Gretj un Hans,
Antj un Frans,
Klas un Stin,
Mars un Trin)
Wet ji wat?
Ji sünd satt.
Nu man frisch,
Up vun'n Disch;
Drinkt nu Thee,
Dat ick't seh.’
Un to ehr
Drog denn her
Ungefragt
Ehre Magd
| |
[pagina 227]
| |
Ungebarn,
Hoch an Jahrn,
Ene Kann
(In de Hann,
Krumm vun Kramp)
Kaffe-Damp.
Nu kem Thee
Hal'n uten See!
Mit de Melk
Hebbt ji welk.
För lütj Snut
Sucker ut
Runkelröv
Ahn-Gepröv.
Nu sprung't all
Hen ton Ball,
Wo scharmant
De Muskant
Hult-Swig-Still
Spelen will;
Un wo gans
To den Dans
Sitt-up-d'-Bank
Paszt de Klank.
‘Nu, god Nacht!
D' Klock is acht.
Gröt Papa
Un Mama!
Sprekt ins so
Wedder to!
(Seggt de Fro
Nüms-to-Hus
To lütj Grus.
Gretj un Hans,
Antj un Frans,
Klas un Stin,
Mars un Trin)
Magd, help börnGa naar voetnoot(1)
Mi de Görn,
Etens-satt,
Dansens-matt,
SutjeGa naar voetnoot(2) in
Hus-bliv sin
Wagen! Gröt
Un slapt söt!’ -
Bi Papa
Un Mama
Stigt se ut.
SurGa naar voetnoot(3) de Snut
Staht se da.
Seggt Mama:
‘Wat is dat?
FeiltGa naar voetnoot(4) ju wat?’
Nu, de Dros!
Brok et los!
In ehr Pracht
Staht de Acht
Aschengrau,
Matt un flau
TumliGa naar voetnoot(5) da
Vör de Mama.
Gretje mult,
Hans de hult,
Antje gnurrt,
Frans de knurrt,
Klas de kläntGa naar voetnoot(6),
Stina stähnt,
Mars steit stumm,
Trin fallt um.
‘I, so sla
(Seggt Mama
Hel erboszt)
Doch de Drost
In ju Acht!
Hef'k nich dacht,
As ik ju
So wahrschu:
Et un drinkt
Danszt un springt
Nich so dull
As en Bull;
Sünst givt't wat -
Ji kennt dat?
Mi verdrütt
Nix as düt:
Wat min fin
Fru Kusin
Nums-to-Hus
To son Grus
Dissen Dag
Denken mag!
Böse Frucht!
Kinner-Tucht
Kann bestahn
Nümmer ahn
Bessen-Ris!
Dat's de Wis!’
Un nu gev
Se lütj Lev
Mit de Rod
Na de Mod
EischeGa naar voetnoot(7) Hau
Au! au! au!
Brun un blau
Vun Gepiitsch
Mit Gekriitsch
Ging't to Bett:
Nu slapt nett!
| |
Moral.Düsse Acht,
Heff ik dacht,
Glickt förwahr
Up en Haar
De Poet!
't Deit mi led!
Dat Geschick
Givt em Glück,
Hüll un Füll,
Wat he will.
He genütt
Awer dütGa naar voetnoot(8)
Blot - de Wicht!
Int Gedicht.
Dat Geschick
Givt Unglück
Em in de
Gräszlichste
Würklikeit!
Ja, so geit't!
Krischan Heinrich Schütze.
|
|