Van de Schelde tot de Weichsel. Deel 2: Neder-Duitschland

Wat de ole Tante snackt.

Herrjes! Nu kik mal Ener an!
Na, na, wat mutt ik sehn,
De Doctersch föhrt all wer to Kös⁽⁴⁾!

Na, na!

Un weller⁽⁵⁾ hett se'n annern Hot,
Un weer en siden Kled.
Wat dat nu weller kosten deit -

Na, na!

En Dahler Kösgaw mutt se geb'n,
Dat is dat Allernaust.
Un nu de Schoh, de se verdanst -

Na, na!

Nu kik, wa se sik maken deit,
Wa smidd se hoch den Kopp!
Ick möch wull mal ehrn Husstand sehn -

Na, na!

Wat Döster⁽⁶⁾! ok noch Krenolin?
Na, nu war ik ierst klok!
Ik schull man de Herr Docter sin -

Na, na!

K. Runge.

(4) Kös, Hochzeit.

(5) Weller, wieder.

(6) Döster, Teufel.