Van de Schelde tot de Weichsel. Deel 2: Neder-Duitschland

Up wide Haide.

Up wide Haide so ganz alleen,
Wenn baben blinkern de Steern,
Dar hew ick so deep in de Ogen di sehn,
Di küszt un drückt, min Deern!

Up wide Haide so ganz alleen,
Woll ünnern Machannelboom,
Da wören wi sicher, da stör us nich Een
In usen seligen Droom.

Up wide Haide so ganz alleen -
Wie loppt de Tid vörbi! -
Du liggst nu lang'n ünnern Kerkhofssteen,
Un ick, ick ween üm di.

August Freudenthal.