Van de Schelde tot de Weichsel. Deel 2: Neder-Duitschland

Verlaaten.

De Nachtigal von Noth nich weet,
Se singt dat ole lewe Leed,
Se singt de ganze Weld in Slap,
Blot ick, ich hew keen Ruh -
O harr ick Di mindaag⁽²⁾ nich sehn,
Wo glücklich wör ick nu!

Harr ick nich löwt⁽³⁾, Du wörst nich so,
So wör ick noch vergnögt un froh!
Daför, dat ick mi schenken leet
Din siden Band un Tand,
Daför, dat ick so leew Di harr,
Hew ick nu Schimp un Schand!

Ick arme Deern, wat fang ick an?
Nüms hew ick, de mi helpen kann -
De Möhlendiek is still un deep,
Leeg ick darin, so wör't vörbi -
Ick löw, ick mut in't Water gahn,
Dat is de Weg för mi!

Friedr. Freudenthal.

(2) Mindaag, mein Lebtag.

(3) Löwt, geglaubt.