Van de Schelde tot de Weichsel. Deel 2: Neder-Duitschland

[p. 125]

Et Räuseken⁽¹⁾.

Et harre ne Mutter en Döchterken,
Dat was mal en hübsch leif Mäkelken⁽²⁾!

Ar⁽³⁾ en Räuseken frisch un Morgenroth;
Wu wolle dat plükken de swarte Dot!

Holt les' et in Walle⁽⁴⁾ Dag for Dag,
Dei nich te wit von er Mutter lagg;

Un stännig⁽⁵⁾ en ander Kinneken
Hulp lesen en leiwen Mäkelken;

Hulp dragen ok bet⁽⁶⁾ vor de Hütte de Dracht;
Nich glöw' et de Mutter: dei hat elacht;

En Räuseken gaff ne⁽⁷⁾ dat schöne Kint;
‘Blaumt op et⁽⁸⁾, sau kom' ik wedder jeswint!’

Int Glas fluk⁽⁹⁾ set et de Mutter jenau
Un denket, et well all blaumen sau;

In Bedde sau lang et Döchterken lagg,
Un doch all was et sau lange dag;

Et Döchterken lagg in Bedde dot;
Et Räuseken blaume frisch un Roth.

(1) Räuseken, Röschen.

(2) Mäkelken, Mägdelein.

(3) Ar, wie (Holl. als).

(4) Walle, Walde.

(5) Stännig, sters (Holl. bestendig).

(6) Bet, bis.

(7) Ne, Ihm.

(8) Blaumt op et, blüht es auf.

(9) Fluk, flugs (Holl. fluks).