Van de Schelde tot de Weichsel. Deel 2: Neder-Duitschland

Celle.

De Buer ut Gassen.

Vor Gassen⁽¹⁾ ligt'n Vorwark un bie den Vorwarke ein Dannenholt⁽²⁾; en Buer hat sik versworen, dat Holt höre öme⁽³⁾, un dat was nich wahr. Nu is he estorven un geit umme⁽⁴⁾. En Buer ut Gassen moste bie Winterdagen na Boye⁽⁵⁾ gaan un kam't abens weer trügge; hei geit sines Weges like ut, avers⁽⁶⁾ hei fäult⁽⁷⁾, dat jim immer einer in de Site stött; ans⁽⁸⁾ he sik tor halve⁽⁹⁾ kikt, geit de groote Kerl mit'n langen Stocke neven öme her un is ganz knisterswart, dei verleitet den Buern, dat e ganz von en Wege afkumt un over Sniebarge un Lemkulen weg, do süt e an en lesten Enne en lütjet Lucht un denkt: ‘du sast da mal up tau gaan.’ Wie e hen kumt, is e ganz von en rechten Wege af un na Scheuen⁽¹⁰⁾ koomen. De Buer was ut Scheuen bürtig⁽¹¹⁾ un denkt: ‘nu sast du den Weg doch wol na Gassen nich weer verleisen⁽¹²⁾.’ Hei geit also weer tau, avers de kerl buftt⁽¹³⁾ ön weer in de Siten un will'n weer verleiten. De Buer steit stille un besint sik, wo⁽¹⁴⁾ öm denn eigentlich is, da steit de Kerl ok stille un legt de Hänne over sinen Stock, dat Kinn up de Hänne un kikt den Buern an. ‘Mien Gott,’ segt de Buer bie sik, ‘wo wer' ik den Kerl los?’ Da fallt öme in, dat se segget, wenn man wat ummekere, so dröften⁽¹⁵⁾ de bösen Geister ein nich länger plagen, un hei gript förens⁽¹⁶⁾ in de Tasche un legt sien Mest⁽¹⁷⁾ umme up de annere Halve⁽¹⁸⁾. Von der

(1) Gassen, Dorf bei Celle.

(2) Dannenholt, Tannenwäldchen.

(3) öme, ihm.

(4) Geit umme, geht als Spuck herum.

(5) Boye, Dorf bei Celle.

(6) Avers, aber.

(7) Fäult, fühlt.

(8) Ans, wenn.

(9) Halve, Seite.

(10) Scheuen, Dorf in der Gegend von Celle.

(11) Bürtig, gebürtig.

(12) Verleisen, verlieren.

(13) Bufft, stösst.

(14) Wo, wie.

(15) Dröften, dürften.

(16) Förens, sofort, sogleich.

(17) Mest, Messer.

(18) Halve, Seite.

[p. 120]

Tiet süt e nix mehr; aver mit der Site, wo ön de swarte Kerl inne bufft hat, mot he noch hinken. De Pastor ut Grotenhelen un de Schaulmester ut Gassen sint ok verleitet, aver se heft er nich sau reine mit herut ewollt.

Düssen Winter hat e weer einen verleitet.