Van de Schelde tot de Weichsel. Deel 2: Neder-Duitschland

Watt kann en jung Mäken.

Watt kann en jung Mäken, wat schall en jung Mäken.
Watt kann un watt schall s' mit en oll'n Mann? -
Vöör en paar Stüver verkoff se ör⁽¹⁾ nüver,
'Or nüvere Dochder, de Moder 'ör Ann'.

Den Dag över stennt 'e van Ende to Wende,
Hosten un Hymen⁽²⁾ is all' watt he kann;
He's doof un he's nölig⁽³⁾, syn Bloot is so kölig,
O, trurege Hochtyd mit so'n ollen Mann!

He knurt un is lekker, warrt all' Dage gekker,
Ik do to Gefallen em all' watt ik kann;
He's nydig un neidig up Alles wat freidig,
De dove, de ole, de nölige Mann!

Myn ol' Tante Kathe, de trokk ik to Rathe,
'Or Plan is, my dünkt wol, ook nich ganz misz;
Ik knyp un ik krabb' em, will breken datt Hart em,
Un nehmen en jungen Mann, datt is wol wisz!

(1) 'Or, (ihr) sie.

(2) Hymen, Keuchen.

(3) Nölig, verdriesslich, murrend.