Van de Schelde tot de Weichsel. Deel 2: Neder-Duitschland

Mariken un ehr Luett' Broder.

En Engel is min lüttje Broder,
Blau sünd sin Ogen, jüst as min,
Sin Haar is hell, so harr't us Moder -
Se ward nu woll in'n Hewen sin.

‘Nu ween nich, Hans, wenn Hus un Garen⁽⁶⁾
Us uk verkofft de Nawersmannn⁽⁷⁾.
Ick will di hegen, will di waren⁽⁸⁾,
So god as't man en Moder kann.

Ick wil di dregen, will di plegen,
Di halen Melk un Brod torecht,
Un gode Lüd gifft⁽⁹⁾ allerwegen -
Man blot de Nawersmann is slecht!

Nu ween nich, Hans, süs⁽¹⁰⁾ schillt us Moder,
Eija popeija, Hans, slap in!
Bist jo en Engel, min lütt' Broder,
Un Engels de möt artig sin!’

Friedrich Freudenthal.

(6) Garen, Garten.

(7) Nawersmann, Nachbar.

(8) Waren, schützen (be-wahren).

(9) Gifft, giebt es.

(10) Süs, sonst.