Van de Schelde tot de Weichsel. Deel 2: Neder-Duitschland

Harfstbild. (Ovelgönne im stadlande.)

Dat weer mien litje leev Deeren,
De steit as in 'n deepen Droom:
Se kikt wol där dat Fenster
Na den oolen Linnenboom.
So moï sik 't fär⁽⁴⁾ uns twee beiden
Unner 't greene Linnentelt seet⁽⁵⁾,
Wenn 's Sommers lustig sungen
De Swaalken är Avendleed.

(4) Fär, für.

(5) Seet, sitzt.

[p. 90]

 

Man Swaalken sund weg un de Sommer,

 

Un de Beem' to troren⁽¹⁾ staat't,

 

Un in lange, lange Reegen⁽²⁾

 

Averhen⁽³⁾ de Wulken gaat't.

 

 

 

De Harfstwind siene Fitjes⁽⁴⁾

 

Wol aver dat Land uutreckt⁽⁵⁾,

 

Un all de Blä', de gälen,

 

He van de Teege⁽⁶⁾ breckt.

 

 

 

Un all de Blä', de gälen

 

Up de swart swarte Eer he sait⁽⁷⁾,

 

Un he ropt: Ji Minsgenkinner,

 

So weer' Ji ook ve'wait!

 

Un var⁽⁸⁾ 't Huus de Linnenteege,

 

Wat he se plucken kann!

 

Ineens fleegt Blädersguuren⁽⁹⁾

 

Gegen d' Kamerfensters an.

 

 

 

Och, de Boom, de so green⁽¹⁰⁾ van 't Sommer,

 

Nu is he bloot un kaal!

 

As Bruut un Brägam wi seeten

 

In sien'n Schadden to 'n lestenmal.

 

 

 

Dat is 't, dat⁽¹¹⁾ mien litje leev Deeren

 

Steit as in 'n deepen Droom,

 

Dat kikt se wol där dat Fenster

 

Na den oolen Linnenboom.

(1) Troren, trauern.

(2) Reegen, Reihen.

(3) Averhen, drüberhin.

(4) Fitjes, Fittige.

(5) Uutreckt, ausbreitet.

(6) Teege, Zweige.

(7) Sait, sähet.

(8) Var, vor.

(9) Blädersguuren, Blätterschauer.

(10) Green, grün.

(11) Dat, weshalb.