Van de Schelde tot de Weichsel. Deel 2: Neder-Duitschland
(1882)–L. Leopold, Joh. A. Leopold–
[pagina 88]
| |
Am Ende doch noch en lüttje Trost.‘War blift de Satanskeerl nu weer?!
Ik segg! 't word immer mojer.
Verlangt hum weer na Ribbensmeer,
De Dögeneet, de Schojer?
Dar sitt he nu van söven an
Ik segg! in de Krog to supen,
Un ik, verklömt un slaperg, kann
Neet mal in 't Bedde krupen. -
Dar sleit 't al twalven, Dönnerhal!
Na, töv, Du Düvelkater! -
War is de Reitstock? 'k wil Di mal
Ik segg! weer strippsenGa naar voetnoot(1), Tater!’
So scheldt und vlöckt de Snidersfro,
Fro Tater, in de Köken
Un geit dann na de Kamer to,
Um sük en Stock to söken.
Se is en Wiv - na, Gott bewar'!-:
En Kerel-ElskeGa naar voetnoot(2) is se;
Se is de Düvel van de Kar'
Offall'n, dat löv ik wisse.
Hör Keerl dartegen is man minnGa naar voetnoot(3),
He 's tegen hör en Mügge
Un draggt, och Gommes! bovendien
Noch en Verdreet up d' Rügge.
Se nimmt de Stock un stuft darmit
As 'n Hellhak' up de Strate.
Se drotGa naar voetnoot(4) na de Krog, war Tater sitt;
Na, dee kom Gott to BateGa naar voetnoot(5)! -
De Mane schint so evkes man;
't Is as in Schummerdüstern
Fro Tater löppt so fell se kann; -
Baff! blift se stan to lüstern:
‘Gott dooi! dar kummt min Musche Blix;
Ik kenn hum an sin Puckel.
Nu kik ins an: wat is he fix!
Ik segg! he löppt in 'n SzückelGa naar voetnoot(6).’
As nu de Mann sük nadert hör,
Do kriggt s' hum bi de KrippseGa naar voetnoot(7)
Un dalljetGa naar voetnoot(8) hum mit de Reitstock dör:
Ik segg! nu gift et Strippse!’
‘Verdammtes Weibsbild!’ reert de Mann,
Was habt Ihr mich zu schlagen?!’ -
‘Nu sü! nu fangt he hogdütsch an;
Ik segg! wo dürt he 't wagen?
Wo WüppupGa naar voetnoot(9)? Du prot'stGa naar voetnoot(10) hog mit mi?
Wult “Weibsbild” mi tit'leeren?
Du Hund! ik segg! dit 's god för Di:
Ik will Di remus lerenGa naar voetnoot(11)!’
Un swabb! sus't weer de Reitstock dal,
Swibbswabb! - ‘Du büst besopen!’
Swibbswabb! - ‘Ik segg! nu wag 't noch mal,’
Swabb! - ‘na de Krog to lopen!’ -
‘Verfluchte Hexe!’ bölktGa naar voetnoot(12) de Mann,
‘Scher' fort dich in die Hölle!’
Do kummt de Horenblaser an:
‘Well röppt hier denn so felle?’
Swubb! dreit Fro Tater ratt sük um
Un seggt: ‘Nicks to bedüden!
Min Schöpps van Keerl is blot so dumm,
Sük hier mit mi to striden.’
‘Was,’ röppt de Mann, ‘schwatzt sie für Zeug?
Das Mensch ist ja von Sinnen!
| |
[pagina 89]
| |
Nachtwächter, ich verlang's von Euch:
Schafft sie sofort von hinnen!’ -
‘Well sünd Sie denn? - Erlaub'n Sie mir!’
Fraggt hum de Horenblaser. -
‘Ich wohne erst drei Tage hier:
Ich bin der Doctor Glaser.’ -
As dit nu hört de Snidersfro,
Verfeert se sük eerst düchtig;
Dann geit se up de Dockter to
Un seggt ganz wisnös't-wichtigGa naar voetnoot(1):
‘Je, harnn Se dat doch glieks man seggt! -
Man - um hör WodGa naar voetnoot(2) to kölen:
Nu sall - ik segg! - nu sall eerst recht
Min Keerl de Reitstock fölen!’
Loga.
H.L. Willems.
|
|