Van de Schelde tot de Weichsel. Deel 2: Neder-Duitschland
(1882)–L. Leopold, Joh. A. Leopold–
AuteursrechtvrijLögendöntjes. (Wat man de lütje kinder wiesmaktGa naar voetnoot5).)1. Kükerükü, de rode Hahn,
Treckt sien Stäfels un Sporen an.
Wo wiet wullt du rieden?
Van hier na LammerdidenGa naar voetnoot6).
| |
[pagina 47]
| |
As he na Lammerdiden quam,
Do satt de Koh bi't Für un spunn,
Dat Kalf dat lagg in d' Weeg' un sung,
De Katt de wusk de Schöttels,
De Hund de karn de Botter,
De Fleddermus de fèg dat Hus,
De Schwaalkes drogen dat Fègsel ut
Mit hör vergülden Flögels,
Sünd dat neet dicke Lögens?
De Hèkster kleemGa naar voetnoot1) de Wand,
Dat weer hum unbekannt.
Dar achter de grote Schürredör,
Dar satten dree Kapunen vör.
Dar backen se, dar broen se,
Dat Beer wull hör versurenGa naar voetnoot2),
Do repen se de Buren;
De Buren worren bedrunken,
Do danzen se up Klumpen;
De Klumpen gungen Stücken,
Do danzen se up Krücken;
De Krücken gungen of,
Do danzen se up't Hoff;
Dat Hoff dat weer so glatt,
Do laggen all de Buren platt.
2. Ick will di wat vertellen
Un legen, wat ick kann:
Ick sagg 'n Möhlen flegen
Un d' Müller der achteran;
Ick stunn in d' Schlap un sag dat an:
Nu hör' ins, wat ick legen kann.
Ick sagg 'n paar Duven
De Wagen utschuwen;
Ick sagg 'n paar griese Kreien,
De stunnen in't Land to meien;
Ick sagg 'n paar schwarte Raven,
De stunnen in d' Schloot to graven;
Ick sagg 'n paar LüningsGa naar voetnoot3) vör de Ploog,
Is de Lögen noch neet dick genoog?
Un wenn't neet löven willt,
Dan ga na mien Naber Hick,
De kann nett so god legen as ick.
|
|