Van de Schelde tot de Weichsel. Deel 2: Neder-Duitschland

Leefdeglück.

Wenn ick mien leeve Wichtje see,

Dann geit mi 't Hart in Drafft⁽²⁾,

Un alle Trür, Verdreet un Weh

Is daadlick furrtgeschafft.

Wenn se mi früntlick nickt un lacht,

Oer Oogje leeflick strahlt

Glieck Maneschien in stille Nacht,

So as geen Rubens 't maalt: -

Dann stroomt der Leefde vulle Glood

Mi gliecks döer Mark un Been;

Ick word' so ligt un löss⁽³⁾ van Mood,

Mi het se leef alleen!

Wenn ick öer polle⁽⁴⁾ Handjes drück',

Dann vöel' ick Saligheid.

Nicks overtreft dat Leefdeglück

Wat ick find bi mien Meid!

Wenn ick van öeren Blössemmund⁽⁵⁾,

De sötste Soontjes roov',

Geit mi in Glück, upp Eerdenrund,

Geen Starveling to boov'.

Sink' ick an 't Borstje rund un fien,

An 't Hart so trau, so leef,

Dann roop' ick: Schattje, du bist mien!

Wenn 't altied doch so bleef.

J.L. Lange.

(2) In Drafft, schnell. Vergl. Holl. in den draf.

(3) Löss, frei. Holl. los.

(4) Polle, fette. Vergl. Holl. bol (opgezet) und polletjes (handjes).

(5) Blössemmund, buchst. Holl. bloesemmond.