Van de Schelde tot de Weichsel. Deel 2: Neder-Duitschland

Blömkes, staat mi bi!

Sü⁽⁵⁾, sü, wat sünt de Krüsbee⁽⁶⁾ daar all grön! -
Schneeklöksken ook! - Dat stellt sück up de Tön'⁽⁷⁾,
Kikt övert⁽⁸⁾ Gras un nickt sien Naber⁽⁹⁾ to:
Man driest, man driest, et is nich mehr to fro⁽¹⁰⁾!

Dat was en Winter! - Nu, de Schnee de schmult.
'T nimmt All' en End' hier, heb wi man Geduld.
Dör kolt un warm, dör düster un dör hell
Löppt⁽¹¹⁾ jo de Tied mit uns gelieke vell.

Büst Du der ook all, mien Viölken⁽¹²⁾ blau? -
Wult Du, tofräden mit Dien Drüppken Dau,
Un ungelohnt, getreden under Vööt⁽¹³⁾,
De Lücht wer füllen mit Dien Aadem sööt?

(5) Sü, sieh.

(6) Krüsbee, Ned. kruisbeien.

(7) Tön', Ned. toonen.

(8) Oevert, Ned. over het.

(9) Naber, Ned. buurman. Eng. neighbour.

(10) Fro, früh.

(11) Löppt, läuft.

(12) Viölken, Ned. viooltje (-ke).

(13) Vööt, Ned. voeten.

[p. 6]

 

Un mien M'releevken⁽¹⁾, Du vertagen⁽²⁾ Kind,

 

Wult Du ook wer, so stolt un koltgesinnt,

 

Dien Süsterkes van't Beet verdrängen all? -

 

Et gift en Spa⁽³⁾ noch! Hochmood kummt to Fall.

 

 

 

Un Du, mien Roosje, wullt Du mi ook wer,

 

Wenn ik die soontjen⁽⁴⁾ will, de Lippe stecken? -

 

'K hebb wat to doon hadd, um die upptoqueken.

 

So danken Minsken, man nich Blöm, nich Deer⁽⁵⁾.

 

 

 

Man Ji, mien Lilien, will Ji rein un witt

 

Ut Moor un Klei wer klimmen hoch in 't Lecht? -

 

All mennig Fründ hebb 'k in de Erde leggt,

 

Un 't dürt nich lang, denn ligg un schlaap ik mit.

 

 

 

Of denn wol'n Maimaand all wat liggt un schlöppt

 

To siener Tied in Lecht un Leven röppt? -

 

Heb 'k denn wol Di ook wer? - un Di? - un Di? -

 

Ik glöv'tl un twifl' ik, - Blömkes, staat mi bi! -

 

 

 

(Döntjes un Vertellsels.)

 

Fooke Hoissen Müller.

(1) M'releevken, Marieliebchen.

(2) Vertagen, verzogen.

(3) Spa, Ned. spade.

(4) Soontjen, Ned. zoenen; Soontje, kusje.

(5) Deer, Ned. dier.