Versamelde gedigte

[p. 481]

Nagelate gedigte

[p. 483]

[Ek ry my krale een vir een]

Ek ry my krale een vir een

Ek maak 'n snoer van skitter kleur

Wat skeel dit as daarbuite ween

Arm skepsels wat om vryheid treur

Ek tel my rykdom goed en geld
Ek sal my wins bedaard geniet
Wat skeel dit as die draadloos meld

Daars weer 'n nasie platgeskiet

Ek speel en werk ek ga my gang

Die weer is heerlik wat 'n dag

Wat skeel dit as daar elders hang

'n Wolk wat middag maak tot nag

Ek sit hier rustig in my stoel

Te luister na die vinke koor

Wat skeel dit as die wereld woel

Met haat en wrok wat vrede smoor

Ek se nie dit is goed of sleg

Dis nie my saak dit raak my nie

Wat skeel dit as die vryheid veg

Vir uitkoms teen 'n tiranie

Nou ja ou maat jy ken jou siel

Dis skaars genoeg om op te bou

Wat skeel dit as die tyd verniel

Die bietjie wat jy nog behou

Ag moenie praat van wol en graan

Dis darem nie vanjaar so sleg

Wat skeel dit as 'n volk vergaan

In doodstryd vir sy goed en reg

Ek sal aanstaande maand gaan bly

By boetie Sybrand op die strand

Wat skeel dit as daar veraf stry

My stam verwante vir hul land

Ek rook my pyp en raai hoe blou

Krul in die lug die rookwolk uit

Wat skeel dit as daar veraf rou

Miljoene sonder kos of dak

Ek drink my wyn hoe lieflik rooi

Die glinster van die ou pontak

Wat skeel dit as 'n dwingelands prooi

'n Vrye volk tot slaaf versak

[p. 484]

 

Ja nee ek het dit lekker hier

 

Hoe le my gerwe opgegaar

 

Wat skeel dit as die vryheid sterf

 

Daar errens noord die ewenaar

M.P.O. Burgers-versameling

In potlood geskryf met baie wysigings en deurgehaalde reëls