Versamelde gedigte

Die witgeklede krag

Slank, met die spiere glad, met die regop gestalte van jeug
Wat beskik oor die vinnige vreug
Van die liggaam-masjien se mag
Soos die swemmer wat swem in die see bewus van sy krag as hy swem,
En die klimmer wat kranse beklim bewus van sy krag as hy klim.

[p. 374]

 

Die grys verslete prag,

 

Boggel gebuie en moeg met die las wat die jare druk

 

Op die skouers wat dra en buk

 

As die oumens geduldig wag

 

Soos die sterre om lig in die dag en die groen van die nag vir die blou,

 

Soos die knop ingevleg in sy kleed vir die krag wat sy skoonheid ontvou.