Versamelde gedigte

(1980)–C. Louis Leipoldt– rechtenstatus


Oos-Indië I 'n Lang laan van kanarie-bome, En daar agter die kanna in bloei; En daarvoor die basaar waar by daglig die drome Met die werklikheid worstel en stoei. 'n Afgeleefde afgod-oudjie, En daaragter vulkane wat rook; En daarvoor 'n melatti-versierde toutjie Om die geeste te paai wat nog spook.
[pagina 366]
Eergister is nog hier tevrede Met vandag wat vooruit het gespring, En wat lewendig is met die lang oorlede, Wat die dood nie tot slaapte kan bring.