Versamelde gedigte

(1980)–C. Louis Leipoldt– rechtenstatus


Ou Blaasbalk Ons het 'n baas-kalkoen, sy naam Is Blaasbalk; as hy blaas, En as hy met sy vlerke slaan, Dan weet jy hy's die baas. Met pronk-stertvere uitgestrek Stap hy daar oor die werf; Die groot pendoring bo sy bek Is pragtig rooi geverf.
[pagina 305]
Van al ons trop - en ons het meer As dertig op ons plaas - Is daar geeneen wat hom kan keer, Want Blaasbalk is die baas. Die wyfies volg hom in 'n ry, Kloe-kloe-kloe agteraan As hy hul uitneem om te wei Daar agter by die laan. Die mannetjies moet stroopsoet doen Net wat die ou beveel, Want Blaasbalk is ons baas-kalkoen Wat nie met hom laat speel. Maar gister hoor ons tot ons spyt, (Ons het dit nooit verwag) Dis net 'n week voor Kersfeestyd: Ou Blaasbalk word geslag. Ja, ai Katryn, ons kok, sy kry Al wors en dadels klaar, Broodkrummels, salie, spesery - Dis alles bymekaar, Met uie fyngekap, volop, En neute uit die laai, Vir vulsel om die ou te stop Voordat sy hom gaan braai.