Versamelde gedigte

(1980)–C. Louis Leipoldt– rechtenstatus


In die spens Klein Muisie, klein Muisie, Wat maak jy hier? ‘Ek kom, Twee-beentjies, Om fees te vier.’ Klein Muisie, klein Muisie, Dis onse koek. Hoe durf jy dit wegdra Na jou skuilhoek?
[pagina 303]
‘Twee-beentjies, Twee-beentjies, Ek weet dis waar, Maar drie, vier krummels Kan jy tog spaar.’ Klein Muisie, klein Muisie, Pas op, ons kat Loer daar in die donker Om jou te vat. ‘Twee-beentjies, Twee-beentjies, Ek is nie bang, Die haasbek-Miesmies Sal my nie vang. ‘My kleintjies bibber, En vra om kos En hierdie stuk sandkoek Is lekker bros.’